ກະແລ້ມ ບ້ານບ້ານ

0
536

ອາກາດຈະຮ້ອນຈະໜາວຈະເຢັນຝົນຕົກຟ້າທະລົ່ມ (ບໍ່ແມ່ນລະ) ແບບຢາກບອກວ່າບໍ່ວ່າຈະເປັນລະດູໃດ ຂອງຫວານທີ່ຄູ່ເຮົາທຸກເພດທຸກໄວອີກຢ່າງໜຶ່ງທີ່ຫຼາຍຄົນຄິດຫາກໍ່ແມ່ນ ກະແລ້ມ!! ທີມງານ 108 ກໍ່ເປັນອີກກຸ່ມໜຶ່ງທີ່ເວລາກິນເຂົ້າແລ້ວຕ້ອງໄດ້ຈົບທ້າຍດ້ວຍຂອງຫວານ (ຮ່າຮ່າ)

ຖ້າທ່ານເປັນຄືກັນ ມັນເປັນຊ່ວງເວລາທີ່ຖືກຕ້ອງທີ່ສຸດແລ້ວທີ່ທ່ານກຳລັງອ່ານໜ້ານີ້ຢູ່ ເພາະສິ່ງທີ່ເຮົາກຳລັງຈະນຳສະເໜີຕໍ່ໄປນີ້ແມ່ນເປັນອີກພູມປັນຍາໜຶ່ງທີ່ຄົນລາວເຮົາພາກພູມໃຈ ເພາະເປັນຜະລິດຕະພັນທີ່ສ້າງສັນໂດຍຄົນລາວສົ່ງຕໍ່ໃຫ້ສັງຄົມລາວ ແລະກໍ່ບໍ່ແນ່ວ່າໃນອານາຄົດເພິ່ນອາດສົ່ງຕໍ່ໃຫ້ກັບຄົນຕ່າງຊາດດ້ວຍກໍ່ເປັນໄດ້ ຜະລິດຕະພັນນັ້ນກໍ່ຄື ກະແລ້ມ ບ້ານບ້ານ ນັ້ນເອງ

ທ່ານ ອານັນ ທອງສະຫວັດ ຜູ້ກໍ່ຕັ້ງໂຮງງານຜະລິດ ກະແລ້ມ ບ້ານບ້ານ ໄດ້ເລົ່າໃຫ້ເຮົາຟັງສັ້ນໆວ່າ ກະແລ້ມ ບ້ານບ້ານ ເປັນການປະສົມປະສານກັນຂອງຄວາມເປັນກະແລ້ມພື້ນບ້ານລາວ, ຂັ້ນຕອນການຜະລິດທີ່ທັນສະໄໝ ແລະ ການອອກແບບເຄື່ອງຫຸ້ມຫໍ່ຜະລິດຕະພັນ (Packaging) ທີ່ເວລາເຫັນແລ້ວຊວນໃຫ້ຫວນຄິດເຖິງຊ່ວງເວລາໄວເດັກຂອງທ່ານ. ດ້ວຍແຮງບັນດານໃຈ ຈາກຄວາມຊົງຈໍາໄວເດັກ ຂອງຂ້າພະເຈົ້າທີ່ຫຼົງໄຫຼ ກະແລ້ມກະທິ ເປັນຊີວິດຈິດໃຈ ເຊິ່ງນັ້ນກໍ່ເປັນຈຸດເລີ່ມຕົ້ນຂອງການມຸ່ງໝັ້ນສ້າງກະແລ້ມ ບ້ານບ້ານ ຂຶ້ນມາ.

ເພິ່ນໄດ້ເສີມຕໍ່ອີກ ຄຳວ່າ “ບ້ານບ້ານ” ໝາຍເຖິງ ສິ່ງໃດໜຶ່ງທີ່ເປັນ “ພື້ນບ້ານ” ຂອງລາວເຮົາ ແລະ ເໝາະສົມກັບຜະລິດຕະພັນທີ່ມາຈາກຫົວຄິດປະດິດສ້າງຂອງຄົນລາວເຮົາເອງ. ຜະລິດຕະພັນ ກະແລ້ມ ບ້ານບ້ານ ໄດ້ຖືກຮັບຮອງຈາກກົມອາຫານ ແລະ ຢາ (ອຢ) ມີທັງໝົດ 05 ລົດຊາດ ເປັນທີ່ນິຍົມຂອງຄົນລາວ ມີ: ກະທິ, ຖົ່ວດໍາ, ໝາກໜອດ, ເຜືອກ ແລະ ນົມສົ້ມ.

ຜະລິດໂດຍ:

ໂຮງງານ ຜະລິດ ກະແລ້ມ ບ້ານບ້ານ

ບ້ານໂພນພະເນົາ, ເມືອງໄຊເສດຖາ, ນະຄອນຫຼວງວຽງຈັນ, ສປປ ລາວ

ຂໍ້ມູນເພີ່ມເຕີມ ຕິດຕໍ່

https://www.facebook.com/pg/banbanicecream/photos/?ref=page_internal

banban_icecream@hotmail.com

+856 20 5511 8118

LEAVE A REPLY

Please enter your comment!
Please enter your name here