ການຕະຫຼາດສະບັບເລີ່ມຕົ້ນ

0
434

ການຕະຫຼາດກັບການເຮັດທຸລະກິດເປັນສິ່ງຄູ່ກັນຄືແສງກັບເງົາ ເພາະຕໍ່ໃຫ້ສິນຄ້າ ຫຼື ບໍລິການມີຄວາມໜ້າສົນໃຈ ແຕ່ຖ້າຂາດການຕະຫຼາດໃນການປະຊາສຳພັນ ແລະ ເຮັດໃຫ້ລູກຄ້າໄດ້ຮູ້ຈັກເຮົາໃນວົງກວ້າງ ທຸລະກິດກໍ່ສາມາດສະດຸດລົງໄດ້ງ່າຍໆ. ນີ້ແມ່ນການເລີ່ມຕົ້ນເຮັດການຕະຫຼາດແບບບໍ່ຕ້ອງເສຍເງິນແບບບໍ່ຍາກຢ່າງທີ່ຄິດແນນ່ອນ.

  • ກຽມຂໍ້ມູນພື້ນຖານໃຫ້ພ້ອມກ່ອນ: ໃນການເຮັດທຸລະກິດ ທ່ານຕ້ອງມີບັນຊີທະນາຄານທີ່ຢູ່ໃນການເຮັດທຸລະກິດ, ລາຄາສິນຄ້າ ຫຼື ບໍລິການ ແລະ ຊື່ທຸລະກິດ. ແຕ່ການເລີ່ມຕົ້ນຈາກບ້ານ, ບັນຊີທະນາຄານສ່ວນຕົວ ແລະ ຊື່ຂອງເຮົາເອງໃນການເຮັດທຸລະກໍາຕ່າງໆທີ່ຈະເກີດຂື້ນໃນອະນາຄົດຕໍ່ໄປ ຖ້າຕ້ອງການຂະຫຍາຍຄ່ອຍປ່ຽນມາໃຊ້ບັນຊີສຳລັບທຸລະກິດໂດຍສະເພາະແທນ.
  • ກຳນົດກຸ່ມຕະຫຼາດ:​ ສິ່ງທີ່ທ່ານຕ້ອງການຂາຍແມ່ນຫຍັງ? ແລະ ຂາຍໃຫ້ກັບໃຜ? ຕອນເລີ່ມຕົ້ນອາດຈະໃຊ້ທັກສະທີ່ທ່ານມີຢູ່ແລ້ວເຊັ່ນ: ການສ້າງເວັບໄຊທ໌ ຫຼື ງານກຣາຟຟິກຕ່າງໆເພື່ອກຽມນຳໃຊ້ໂຄສະນາທາງອອນລາຍ. ເລືອກກຸ່ມຕະຫຼາດທີ່ເຮົາຄາດຫວັງເອົາໄວ້ ອາດຈະເປັນໝູ່, ກຸ່ມຄົນແຖວບ້ານ,​ ບໍລິເວນສະຖານທີ່ທີ່ທ່ານເຮັດທຸລະກິດ ຫຼື ຫາກທ່ານເປັນຄົນທີ່ມັກຮັກໃນການແຕ່ງລົດ ແລະ ມີຄົນຮູ້ຈັກຢູ່ກຸ່ມນີ້ ກໍ່ອາດຈະເລີ່ມຈາກຄົນກຸ່ມນີ້ ຮ້ານແຕ່ງລົດ, ສະມາຄົມນັກແຕ່ງລົດ ຯລຯ ເປັນຕົ້ນ.

  • ສ້າງແຜນການຕະຫຼາດຂຶ້ນມາ: ໃນແຜນການຕະຫຼາດຕ້ອງລະບຸ 4P ຄື: ຜະລິດຕະພັນ ຫຼື ສິນຄ້າຂອງທຸລະກິດນັ້ນໆ (Product), ລາຄາ (Price), ສະຖານທີ່ເຮົາຈະຈຳໜ່າຍສີນຄ້າ (Place) ແລະ ໂປຣໂມຊັ່ນ (Promotion) ແຕ່ລະ P ມີລາຍລະອຽດຫຍັງແດ່ ເຮົາຕ້ອງຮູ້ລາຍລະອຽດທັງໝົດ.

  • ໂຄສະນາທຸລະກິດໃນເວັບໄຊທ໌ອອນລາຍ: ມີຫຼາຍເວັບໄຊທ໌ທີ່ເຮົາທົດລອງໃຊ້ເວັບໄຊທ໌ສໍາເລັດຮູບຟຣີ ອາດຈະເປັນເວລາ 15ວັນ, 30 ວັນ ຫຼື ອາດຈະບໍ່ຕ້ອງເສຍຄ່າເລີຍກໍ່ຍັງມີ ເຊິ່ງທ່ານສາມາດທົດລອງໃຊ້ເວັບໄຊທ໌ນັ້ນໆໂຄສະນາ ແລະ ຂາຍສິນຄ້າໄດ້.
  • ໃຊ້ສື່ສັງຄົມອອນລາຍໃຫ້ເຕັມປະສິດທິພາບ: ບໍ່ວ່າຈະເປັນ Facebook, Twitter, Blog, Website ແລະ ສື່ສັງຄົມອອນລາຍຕ່າງໆທີ່ເໝາະສົມກັັບທຸລະກິດຂອງທ່ານ ຕ້ອງພະຍາຍາມໃຊ້ໃຫ້ຖືກກຸ່ມລູກຄ້າ ເພາະນອກຈາກຈະເປັນການສະແດງໃຫ້ລູກຄ້າໄດ້ເຫັນເຖິງຄວາມຕັ້ງໃຈໃນການກະຈາຍຂ່າວສານແລ້ວເຮົາຍັງສາມາດໃຊ້ໄດ້ຟຣີອີກດ້ວຍ.

  • ໃຊ້ຄວາມຕໍ່ເນື່ອງໃນການເຮັດທຸລະກິດ: ທຸກອີເມວທີ່ທ່ານສົ່ງໄປຫາກຸ່ມລູກຄ້າ ຄວນມີຂໍ້ມູນສີນຄ້າໃໝ່ໆທີ່ຢູ່ເວັບໄຊທ໌, ສະໂລແກນ ຫຼື ສ້າງລາຍເຊັນທາງລຸ່ມຂອງອີເມວໃຫ້ໜ້າສົນໃຈກໍ່ໄດ້ເຊັ່ນກັນ. ສິ່ງສຳຄັນທີ່ບໍ່ຄວນເບິ່ງຂ້າມຄືໃນທຸກໆວັນຢຸດທ່ານຄວນໂພສບາງຢ່າງລົງໃນ Facebook ຂອງຕົນເອງ ອາດຈະເຮັດໃຫ້ເຮົາໄດ້ຮັບຄຳຕິຊົມເພື່ອນຳໄປພັດທະນາທຸລະກິດຕໍ່ໄປ.
  • ຫາຕົວຊ່ວຍເພີ່ມ: ຖ້າທ່ານມີຜູ້ທີ່ມາສົນໃຈໃນຕົວສິນຄ້າ ຫຼື ມີລູກຄ້າມາຊື້ສິນຄ້າໄປໃຊ້ ຢ່າລືມບອກກະຈາຍຂ່າວ ຫາກເຂົາສາມາດຫາລູກຄ້າມາໃຫ້ກັບເຮົາໄດ້ກໍ່ມອບສ່ວນຫຼຸດແທນຄຳຂອບໃຈໃຫ້ເຂົາ.

LEAVE A REPLY

Please enter your comment!
Please enter your name here