ກ້າວທຳອິດຂອງການລົງທຶນ ສິ່ງໃດຄວນຈ່າຍ ແລະ ສິ່ງໃດບໍ່ຄວນຈ່າຍ

0
352
  • ແຜນທຸລະກິດ: ຖືເປັນສິ່ງທີ່ມີຄວາມຈຳເປັນຫຼາຍໃນການກຳນົດທິດທາງ, ກຸ່ມເປົ້າໝາຍ, ​ຄຳນວນຕົ້ນທຶນເປັນເອກະສານໃຊ້ກູ້ຍືມເງິນຈາກທະນາຄານ ລວມແລ້ວຈັດໄດ້ວ່າບໍ່ຄວນພາດ ແລະ ຄຸ້ມຄ່າທີ່ຈະຈ່າຍ.
  • ສຶກສາຕະຫຼາດ: ຢ່າຟ້າວສ້າງຜະລິດຕະພັນຂຶ້ນມາຈົນກວ່າຈະແນ່ໃຈວ່າລູກຄ້າຖ້າຊື້ ຫຼື ພ້ອມທີ່ຈະຊື້ຜະລິດຕະພັນ ຜ່ານການຈອງ, ເຊິ່ງການສຶກສາຕະຫຼາດຈະຊ່ວຍຕອບໂຈດໃຫ້ທ່ານໄດ້ວ່າ ລູກຄ້າມີຄວາມຕ້ອງການຫຍັງ ຈາກນັ້ນເຮົາສາມາດຕອບສະໜອງຄວາມຕ້ອງການຂອງຕະຫຼາດ.
  • ນັກບັນຊີ: ຫາຜູ້ຊ່ຽວຊານດ້ານການເງິນມາຄຸມງົບປະມານ ເພາະເຂົາຈະຊ່ວຍເຕືອນທ່ານວ່າ ຂະນະນີ້ສະຖານການເງິນຂອງບໍລິສັດ (ຫຼື ຮ້ານ) ເປັນແນວໃດ. ຖ້າເຂົາມີຄວາມຊ່ຽວຊານຫຼາຍ ທ່ານຈະສາມາດໃຫ້ເຂົາແນະນຳເລື່ອງການລົງທຶນ ແລະ ຜົນຕອບແທນການລົງທຶນໄດ້ອີກດ້ວຍ.

  • ທີ່ປຶກສາດ້ານຕ່າງໆໃນການເລີ່ມຕົ້ນທຸລະກິດ: ທ່ານອາດຕ້ອງມີຄວາມຮູ້ໃນຫຼາຍໆເລື່ອງ ຖ້າທ່ານບໍ່ສາມາດຫາຂໍ້ມູນໄດ້ ອາດຕ້ອງສອບຖາມ ຫຼື ຂໍຄຳແນະນຳຈາກໃຜຈັກຄົນທີ່ສາມາດຊ່ວຍເຫຼືອ ແລະ ໃຫ້ຄຳຕອບກັບທ່ານໄດ້ຢ່າງຊັດເຈນ.

  • ການບໍລິການລູກຄ້າ: ການຂາຍສິນຄ້າໂດຍຂາດການບໍລິການທີ່ດີ ປຽບເໝືອນການນຳເງິນມາໃສ່ກະເປົ໋າທີ່ຂາດ. ການບໍໍລິການທີ່ດີຈະເຮັດໃຫ້ລູກຄ້າມັກ ແລະ ກັບມາໃຊ້ບໍລິການຊໍ້າ ເປັນການລົງທຶນທີ່ສ້າງຜົນກຳໄລ.
  • ການຕະຫຼາດ ແລະ ສ້າງແບຣນ: ສາມາດເບິ່ງໄດ້ຫຼາຍມຸມຂຶ້ນກັບຂະໜາດທຸລະກິດຂອງເຮົາ, ດ້ານຕະຫຼາດ ແລະ ການສ້າງແບຣນເປັນສິ່ງຈຳເປັນ. ທຸລະກິດນ້ອຍໆອາດໃຊ້ສື່ສັງຄົມອອນລາຍທີ່ມີຕົ້ນທຶນໜ້ອຍ ແຕ່ທຸລະກິດຂະໜາດໃຫຍ່ຂຶ້ນໄປອາດມີງົບສ່ວນນີ້ໂດຍສະເພາະ ແຕ່ກໍ່ຕ້ອງຈັດສັນໃຫ້ເໝາະສົມ.

ຄ່າໃຊ້ຈ່າຍທີ່ຄວນຫຼີກລ່ຽງສຳລັບທຸລະກິດ ເລີ່ມຕົ້ນ

  • ຄ່າບໍລິການຕ່າງໆ, ຄ່າຊອບແວຣ໌, ຄ່າສະມາຊິກລາຍເດືອນຂອງບໍລິການຕ່າງໆ: ທ່ານຄວນຊອກຫາບໍລິການທີ່ມີລາຄາຖືກ ຫຼື ຟຣີຊອບແວຣ໌ໃຊ້ກ່ອນ ຈົນທ່ານໝັ້ນໃຈວ່າຕ້ອງການໃຊ້ແທ້ໆ ຫຼື ຄຸ້ມຄ່າກັບຫານເຮັດທຸລະກິດຈຶ່ງຕັດສິນໃຈໃຊ້ບໍລິການ.
  • ຄ່າເສື້ອຜ້າ ແລະ ອຸປະກອນໄອທີຟຸ່ມເຟືອຍ
  • Office ຫຼູໆ: ຄ່າກໍ່ສ້າງ, ຕົກແຕ່ງສໍານັກງານ ຫຼື ຮ້ານຄ້ານັ້ນເປັນຄ່າໃຊ້ຈ່າຍທີ່ສູງ ທ່ານຄວນໂຟກັສທີ່ຄວາມສຳເລັດ ຫຼື ເປົ້າໝາຍທາງທຸລະກິດກ່ອນ.
  • ຄ່າຈ້າງ: ໃນບາງຄັ້ງທ່ານອາດຈະຍັງບໍ່ພ້ອມດ້ານການເງິນທີ່ຈະຈ້າງພະນັກງານປະຈຳ ໃຫ້ເລືອກໃຊ້ພະນັກງານແບບ Outsource ໄປກ່ອນ ເພາະທ່ານສາມາດຄວບຄຸມຄ່າໃຊ້ຈ່າຍໄດ້ ໃນພາຍໜ້າຖ້າພ້ອມແລ້ວຈະຈ້າງພະນັກງານປະຈຳກໍ່ໄດ້.
  • ງານລ້ຽງ ແລະ ການເດີນທາງທີ່ຟຸ່ມເຟືອຍ: ຖ້າເອົາເງິນລົງທຶນມາໃຊ້ກັບສ່ວນນີ້ ຖືວ່າເປັນຄວາມຄິດທີ່ຜິດ.
  • ການທີ່ບໍ່ສາມາດຊີ້ວັດຄວາມສຳເລັດໄດ້: ບໍ່ວ່າຈະເປັນການປະຊາສຳພັນ, ການຕະຫຼາດ, ການສ້າງແບຣນ ຖ້າທ່ານບໍ່ສາມາດລະບຸດັດຊະນີວັດແທກຄວາມສຳເລັດໄດ້ ກໍ່ຢ່າເຮັດດີກວ່າ ເພາະສິ່ງນີ້ຈະເຮັດໃຫ້ທ່ານເສຍເງິນໄປລ້າໆ.
  • ຊື້ຍອດ Followers: ອາດຈະດີທີ່ມີຍອດຜູ້ຕິດຕາມສິນຄ້າຂອງເຮົາຫຼາຍ ແຕ່ມັນບໍ່ແມ່ນຈຳນວນລູກຄ້າທີ່ຊື້ສິນຄ້າ ຫຼື ບໍລິການຂອງທ່ານເລີຍ.
  • ໃຊ້ເງິນເມື່ອທ່ານຮູ້ວ່າມັນຈະໃຫ້ກຳໄລຕອບແທນກັບມາ: ຖ້າທ່ານມີເງິນລົງທຶນມະຫາສານ ຫຼື ໄປກູ້ຢືມເງິນມາໄດ້ສຳເລັດ

ນີ້ຄືສິ່ງທີ່ຕ້ອງຄວນລະວັງ. ດັ່ງນັ້ນ, ກ່ອນໃຊ້ເງິນຄວນຄິດວິເຄາະໃຫ້ດີວ່າຈຳນວນເງິນນັ້ນຈະເພີ່ມຂຶ້ນ ແລະ ໃຫ້ຜົນກຳໄລກັບມາໄດ້ຢ່າງໃດ.

LEAVE A REPLY

Please enter your comment!
Please enter your name here