ງານຖະແຫຼງຂ່າວການຈັດງານຕະຫຼາດນັດແຮງງານ Job Fair 2019

0
1946

ວັນທີ 7 ມິຖຸນາ 2018 ໄດ້ມີການຈັດງານຖະແຫຼງຂ່າວກ່ຽວກັບການຈັດງານຕະຫຼາດນັດແຮງງານ Job Fair 2019 ທີ່ຫ້ອງປະຊຸມ ພະແນກແຮງງານນະຄອນຫຼວງວຽງຈັນ, ໂດຍການແຫຼ່ງຂ່າວຂອງທ່ານ ນາງ ລໍາພອຍ ສີອັກຄະຈັນ ຫົວໜ້າພະແນກ ແຮງງານ ແລະ ສະຫວັດດີການສັງຄົມ ນະຄອນຫຼວງວຽງຈັນ ແລະ ທ່ານ ສີບຸນທໍາ ສີບຸນມີ ຮອງຜູ້ອໍານວຍການໃຫຍ່ ບໍລິສັດ ລາວເວີນ ມະຫາຊົນ ພ້ອມດ້ວຍບັນດາຜູ້ປະກອບການຫົວໜ່ວຍທຸລະກິດຕ່າງໆເຂົ້າຮ່ວມ.

ເຊິ່ງງານຕະຫຼາດແຮງງານ (Job Fair 2019) ໄດ້ຈັດຂຶ້ນໃນວັນທີ 16-20 ຕຸລາ 2019 ທີ່ຈະມາເຖິງນີ້ (5ວັນ) ຢູ່ທີ່ສູນການຄ້າ ລາວ-ໄອເຕັກ ຕຶກເກົ່າ.

ຈຸດປະສົງໃນການຈັດງານແມ່ນໃນຄັ້ງນີ້ແມ່ນ:

1. ເພື່ອສ້າງໂອກາດ ແລະ ເອື້ອອຳນວຍຄວາມສະດວກ ໃຫ້ຜູ້ທີ່ກຳລັງຊອກຫາວຽກເຮັດງານທຳ ແລະ ບັນດາຫົວໜ່ວຍແຮງງານໄດ້ມີເວທີ ພົບປະກັນແລ້ວນຳໄປສູ່ການຈັດຈ້າງງານ.
2. ເພື່ອເປັນການສ້າງເງື່ອນໄຂໃຫ້ຜູ້ອອກແຮງງານທີ່ຕ້ອງການພັດທະນາສີມືແຮງງານສາມາດເຂົ້າເຖິງສະຖາບັນການສຶກສາຕ່າງໆ ເພື່ອຍົກລະດັບສີມືແຮງງານ ແທດເໝາະກັບຄວາມຕ້ອງການຂອງຕະຫຼາດແຮງງານ.
3. ເພື່ອໂຄສະນາຂໍ້ມູນຂ່າວສານຕະຫຼາດແຮງງານ,​ແນວໂນ້ມຄວາມຕ້ອງການຂອງຕະຫຼາດແຮງງານໃນອະນາຄົດ.
4. ເພື່ອເປັນເວທີໃນການສົ່ງເສີມການຕະຫຼາດຂອງບັນດາຫົວໜ່ວຍແຮງງານ,​ບັນດາໂຄງການ ແລະ ອົງການຈັດຕັ້ງສັງຄົມ.
5. ເພື່ອຫຼຸດຜ່ອນອັດຕາການຫວ່າງງານ ແລະ ຫຼຸດຜ່ອນການເຄື່ອນຍ້າຍແຮງງານໄປຕ່າງປະເທດແບບບໍ່ຖືກຕ້ອງ ທັງເປັນການສົ່ງເສີມການເຮັດວຽກຢູ່ພາຍໃນປະເທດ.

ນັກຮຽນທີ່ກຳລັງຮຽນ, ນັກສຶກສາຈົບໃໝ່ ຫຼື ຜູ້ທີ່ກຳລັງຊອກຫາວຽກເຮັດງານທຳ ຫຼື ຜູ້ຕ້ອງການປ່ຽນວຽກໃໝ່, ພໍ່ແມ່ຜູ້ປົກຄອງ, ບັນດານາຍຈ້າງຕ່າງໆ ແມ່ນບໍ່ຄວນພາດງານໃນຄັ້ງນີ້.

ງານຕະຫຼາດນັດພົບແຮງງານໃນຄັ້ງນີ້ແມ່ນຈະໄດ້ຈັດຍິ່ງໃຫຍ່ກວ່າປີທີ່ຜ່ານໆມາ ແລະ ພາຍໃນງານຈະມີກິດຈະກຳຫຼາກຫຼາຍກວ່າເກົ່າມີທັງກິດຈະກຳເຖິງເວທີ ແລະ ກິດຈະກຳພາໃນບູດເຊັ່ນ:

 1. ຈັດເວທີສົນທະນາໃນຫົວຂໍ້ຕ່າໆເຊັ່ນ: ຮຽນຫຍັງ ຈຶ່ງຈະມີວຽກເຮັດ? (ການສ້າງແຮງບັນດານໃຈ), ຫຼຸດຜ່ອນການວ່າງງານ (ກ່ຽວການສ້າງ ແລະ ພັດທະນາສີມືແຮງງານ, ຄວາມຕ້ອງການຂອງຕະຫຼາກແຮງງານ, ບັນຫາ ແລະ ສິ່ງທ້າທາຍ)

2. ກິດຈະກຳສຳມະນາໃນຫົວຂໍ້: ການແນະແນວອາຊີບ ແລະ ສານການຮຽນ, ການເຜີຍແພ່ ແລະ ໃຫ້ຄວາມຮູ້ຂອງຈຸດບໍລິການຈັດຫາງານ ແລະ ການປະກັນຫວ່າງງານ.

3. ກິດຈຳກຳແຂ່ງຂັນຕ່າງໆເຊັ່ນ: ການຕົບແຕ່ງໂຕະອາຫານ, ແຂ່ງຂັນການແກະສະຫຼັກຜັກ, ໝາກໄມ້, ແຂ່ງຂັນແຕ່ງຜົມເຈົ້າສາວ ແລະ ແຕ່ງເລັບ.

4. ກິດຈະກຳຖາມ-ຕອບ ຄວາມຮູ້ກ່ຽວກັບວຽກງານພັດທະນາສີມືແຮງງານ ແລະ ຈັດຫາງານເພື່ອ ລຸ້ນຮັບລາງວັນ.

5. ກິດຈະກຳສະແດງສິນລະປະວັນນະຄະດີ ຂອງນ້ອງນັກຮຽນ.

6. ກິດຈະກຳຖາມ-ຕອບເພື່ອຊິງເອົາລາງວັນ ແລະ ຜະລິດຕະພັນຂອງບັນດາບໍລິສັດຕ່າງໆເຂ້າຮ່ວມງານ,

7. ກິດຈະກຳຈົກສະຫຼາກເອົາລາງວັນໃຫຍ່ຂອງງານຕະລາດນັດພົບແຮງງານ ປີ2019.

LEAVE A REPLY

Please enter your comment!
Please enter your name here