ງານຖະແຫຼງຂ່າວ ຮູບເງົາ “ສຽງສຸດທ້າຍ”

0
195

ວັນທີ 18 ພະຈິກ ຜ່ານມາ ທີ່ສູນການຄ້າວຽງຈັນເຊັນເຕີ້ໄດ້ມີພິທີຖະແຫຼງຂ່າວເປິດໂຕຮູບເງົາລາວ “ສຽງສຸດທ້າຍ” ໃນຮອບສື່ມວນຊົນ ກ່ອນທີ່ຈະມີການສາຍຢ່າງເປັນທາງການໃນວັນທີ 22 ພະຈິກທົ່ວປະເທດ, ໂດຍມີຄົນໃນວົງການບັນເທິງ ແລະ ນອກວົງການ, ແຟນຄັບ 20 ທ່ານຜູ້ໂຊກດີຈາກການຫຼີ້ນກິດຈະກໍາກ່ອນໜ້ານີ້ ພ້ອມດ້ວຍສື່ມວນຊົນເຂົ້າຮ່ວມງານຖະແຫຼງຂ່າວຄັ້ງນີ້.
“ສຽງສຸດທ້າຍ” ຮູບເງົາລາວ ກໍາກັບໂດຍ : JoJo Miracle, ນໍາສະແດງໂດຍ : ຊານົນ , ນຸ້ຍ ( Miss Universe Laos 2017 ) , ເບີ້ມ ເວສປ້າ , ສຸດາ , ນົກອ້ຽງ.


“ສຽງສຸດທ້າຍ The Last Voice” ຮູບເງົາທີ່ໃຫ້ແຮງບັນດານໃຈ ເຂົ້າກັບຄົນທີ່ສັດທາໃນຄວາມຝັນ, ຖ່າຍທອດເລື່ອງລາວໂດຍຫນຸ່ມໂດ້ ຜູ້ຊ່ວຍພໍ່ຄົວຂີ້ອາຍ ແລະ ຟ້າ ໂປຣດິວເຊີ້ສາວທີ່ມີຄວາມຫມຸ້ງຫມັ້ນໃນການຢາກສ້າງນັກຮ້ອງທີ່ມີຄຸນນະພາບປະດັບວົງການ. ໂດ້ຫນຸ່ມຂີ້ອາຍທີ່ຕ້ອງມາປະກວດຮ້ອງເພງດ້ວຍຄວາມຈໍາເປັນ, ແຕ່ເລິກໆແລ້ວ ໂດ້ກໍ່ມີຄວາມຝັນຢາກເປັນນັກຮ້ອງເຊັ່ນກັນ, ຟ້າຈຶ່ງເປັນອີກຫນຶ່ງແຮງພັກດັນທີ່ພາໂດ້ໄປໃຫ້ເຖິງຝັນ. ວັນທີ 22 ພະຈິກ ເຂົ້າຊົມໄດ້ທີ່ໂຮງຮູບເງົາທົ່ວປະເທດ.


ໃນງານ ມີການສໍາພາດກັບນັກສະແດງນໍາ ພ້ອມຜູ້ກໍາກັບ ທີ່ມາເລົ່າເຖິງເບື້ອງຫຼັງການເຮັດວຽກ ເຊິ່ງໃຊ້ເວລາຖ່າຍທໍາທັງໝົດ 15 ເດືອນ, ທຸກຄົນຕັ້ງໃຈເຮັດວຽກຢ່າງໜັກ ເພື່ອສ້າງຜົນງານໃຫ້ຜູ້ຊົມທຸກທ່ານໄດ້ຊົມ. ຫຼັງຈາກນັ້ນ ແຂກທຸກຄົນທີ່ເຂົ້າມາຮ່ວມງານ ໄດ້ຮັບເຊີນຮ່ວມຊົມຮູບເງົາເລື່ອງນີ້ເປັນຄັ້ງທໍາອິດ ເຊິ່ງຖືໄດ້ວ່າຄົບລົດຊາດຕາມຄວາມຕັ້ງໃຈຂອງທີມງານທຸກຄົນ ເປັນໜຶ່ງຮູບເງົາລາວທີ່ມີຄຸນນະພາບ ຮັບຮອງວ່າ ໃຜທີ່ໄດ້ໄປເບິ່ງແມ່ນບໍ່ຜິດຫວັງຢ່າງແນະນ່ອນ.


ເຂົ້າສາຍວັນທີ 22 / 11 / 2018 ທີ່ໂຮງຮູບເງົາທົ່ວປະເທດ Major Vientiane Center, Itec Mall Savannakhet, Major Pakse.

LEAVE A REPLY

Please enter your comment!
Please enter your name here