ງານເປີດໂຕ ແລະ ພິທີມອບສາຍສະພາຍ ທູດວັດທະນາທຳແຂວງ

0
395
ເປີດໂຕ Queen ທູດວັດທະນະທຳ ແດນຈຳປາ   2018 ຢ່າງເປັນທາງການ          ບໍລິສັດ KV Tourism Queen Laos ຈຳກັດ ຈັດງານເປີດໂຕນາງງາມ ຜູ້ເຂົ້າປະກວດໂຄງການ Miss Tourm Queen 2018 ແລະ ຈັດພິທີການ ມອບສາຍສະພາຍ ພ້ອມມຸງກຸດນາງງາມ ຮັບຕຳແໜ່ງ ທູດວັດທະນະທຳແຂວງ ຈາກພາກລັດ ໂດຍມີສູນກາງຊາວໜຸ່ມ ປະຊາຊົນ ປະຕິວັດລາວ, ກົມໂຄສະນາການທ່ອງທ່ຽວ ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ, ກົມໂຄສະນາອົບຮົມ ແລະ ວັດທະນະທຳ ສູນກາງ ສະຫະພັນແມ່ຍິງລາວ ຢ່າງເປັນທາງການ
ທ່ານ ນາງ ຂັນທອງ ວົງຄີລີ ປະທານໂຄງການປະກວດ ມິສທົວຣິສຊຶມ ຄວີນ ລາວ 2018 ທັງເປັນປະທານ ບໍລິສັດ ທົວຣິສຊຶມ ຄວີນ ລາວ ຈຳກັດຜູ້ດຽວ ໄດ້ລາຍງານຕໍ່ທີ່ປະຊຸມວ່າ: ນາງງາມຜູ້ຜ່ານເຂົ້າຮອບ 20 ຄົນນີ້ ແມ່ນເປັນຕົວແທນທີ່ມາຈາກ 17 ແຂວງ ແລະ ຈາກນະຄອນຫຼວງອີກ 3 ນາງສາວ ລວມໄດ້ 20 ນາງສາວພໍດີ ເພື່ອສ້າງ ກິດຈະກຳ ໃຫ້ນາງງາມທູດວັດທະນະທຳປະຈຳແຂວງ ໄດ້ແນະນຳຕົວ ແລະ ນຳສະເໜີ ວັດທະນະທຳການທ່ອງທ່ຽວ ປະຈຳແຂວງຂອງຕົນ ພ້ອມທັງຍັງມີພິທີມອບສາຍສະພາຍນາງງາມ ເພື່ອໃຫ້ເປັນຕົວແທນນາງງາມຂອງແຂວງ ໂດຍມີຕົວແທນຈາກ ສູນກາງກາງຊາວໜຸ່ມ ປະຊາຊົນ ປະຕິວັດລາວ, ກົມໂຄສະນາ ການທ່ອງທ່ຽວ ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ, ກົມໂຄສະນາອົບຮົມ ແລະ ວັດທະນະທຳ ສູນກາງ ສະຫະພັນແມ່ຍິງລາວ ເປັນຜູ້ມອບມຸງກຸດ ແລະ ສາຍສະພາຍ ໃຫ້ແກ່ນາງງາມ ທູດວັດທະນະທຳ ປະຈຳແຂວງທັງ 20 ນາງສາວ ຢ່າງເປັນທາງການ
ຈຸດພິເສດພາຍໃນງານ ຍັງມີການເປີດໂຕ Queen ຊຸບເປີສະຕາຄົນດັງ ເຊັ່ນ: ໄກ່ ໂອເວີແດນ, ຄຣິສຕີນ່າ ຣາຊະສິມມາ ແລະ ເຈນນີ່ ມິສເວີ ທີ່ຈະສ້າງສີສັນ ມາຮ່ວມເປັນຜູ້ຝຶກຝົນນາງງາມໃນໂຄງການ ມິສ ທົວຣິສຊຶມ ຄວີນ ລາວ 2018 ໂດຍຈະຖ່າຍທອດ ກິດຈະກຳການຝຶກຝົນ ໃນຮູບແບບລາຍການ ຣຽລຣິຕີ້ ຜ່ານໂທລະພາບ ລາວສຕາຣ໌ ແລະ ທາງອອນລາຍ, ນອກຈາກນີ້ ໃນງານຍັງມີຜູ້ສະໜັບສະໜູນໂຄງການ Miss Tourism Queen Laos 2018 ກ່າວເຖິງກິດຈະກຳ ແຄມເປນຕ່າງໆ ຮ່ວມກັບໂຄງການ ເພື່ອໃຫ້ທາງປະຊາຊົນ ໄດ້ມີສ່ວນຮ່ວມ ໃນກິດຈະກຳ ຂອງໂຄງການ ບໍ່ວ່າຈະເປັນການໂຫວດໃຫ້ ຄະແນນລາງວັນນາງງາມ ໃນແຕ່ລະກິດຈະກຳ ພ້ອມທັງການໂຫວດນາງງາມ ຂວັນໃຈປະຊາຊົນ (Popular Vote) ນາງງາມແຂວງ ໃນດວງໃຈ ແລະ ຜູ້ທີ່ຮ່ວມໂຫວດນາງງາມ ກໍຈະລຸ້ນຮັບຂອງ ລາງວັນ ຈາກໂຄງການເຊັ່ນດຽວກັນ ຢ່າງໃດກໍຕາມ ໂຄງການຍັງຈະຈັດກິດຈະກຳເວລາຫວ່າງ ກິດຈະກຳການທ່ອງທ່ຽວລາວ, ກິດຈະກຳ Roadshow ໃນເທສະການບຸນນະມັດສະການພຣະທາດຫຼວງ ເພື່ອໃຫ້ປະຊາຊົນ ແລະ ນາງງາມ ໄດ້ມີສ່ວນຮ່ວມກິດຈະກຳ ການທ່ອງທ່ຽວ ທຳບຸນຮ່ວມກັນ ໂຄງການ Miss Tourism Queen Laos 2018 ໄດ້ກຳນົດວັນຈັດການປະກວດຮອບຊີງຊະນະເລີດ ໃນໄລຍະເທສະການ ບຸນທາດຫຼວງ ໃນຄ່ຳຄືນຂອງວັນສຸກ ວັນທີ 23 ພະຈິກ 2018 ເວລາ 18:00-22:00 ມ. ທີ່ໄອເຕັກມໍ ຊັ້ນ 7, ແລະ ພາຍໃນງານ ມີກິດຈະກຳຂອງບູດຜູ້ສະໜັບສະໜູນໂຄງການຢ່າງຫຼວງຫຼາຍ ແລະ ພິເສດ ຍັງມີໂຊນ ອາຫານ-ເຄື່ອງດື່ມ-ງານລ້ຽງ (Food & Beverage Lounges and Gala Dinner) ເພື່ອຮັບຮອງແຂກ ຜູ້ມີກຽດ ເຫຼົ່າດາລາຄົນດັງ ພ້ອມສື່ມວນຊົນ ທັງພາຍໃນ ແລະ ຕ່າງປະເທດ ທີ່ມາຮ່ວມງານ 4,000 ກວ່າທ່ານ ໂຄງການ Miss Tourism Queen Laos 2018 ຈະທຳການຖ່າຍທອດສົດການປະກວດ ຜ່ານທາງຊ່ອງ ໂທລະພາບ ລາວສຕາຣ໌ ແລະ ທາງ ໂຊຊຽລ ເຟສບຸກ Miss Tourism Queen Laos ໃຫ້ກັບຜູ້ຊົມທີ່ຢູ່ທາງບ້ານ ແລະ ທົ່ວໂລກ ໄດ້ຮັບຊົມກັນ ທ່ານສາມາດຕິດຕາມ ຂໍ້ມູນ-ຂ່າວສານ ກິດຈະກຳຂອງໂຄງການໄດ້ທີ່ Facebook Page #Miss Tourism Queen Laos

LEAVE A REPLY

Please enter your comment!
Please enter your name here