ທຸລະກິດ E-commerce ທີ່ມີໂອກາດປະສົບຜົນສໍາເລັດໃນປີ 2019

0
467

E-commerce ແມ່ນຫຍັງ?

E-commerce ແມ່ນມາຈາກຄໍາວ່າ “Electronic Commerce” ຫຼື ການຄ້າເອເລັກໂທນິກ E-commerce ຈະເປັນໂຄສະນາການຊື້ຂາຍ ແລະ ການບໍລິການຕ່າງໆ ຜ່ານສື່ເອເລັກໂທນິກບໍ່ວາຈະເປັນໂທລະສັບ, ໂທລະພາບ ໂດຍສະເພາະແມ່ນອິນເຕີເນັດ ເຮົາຈະເຫັນໄດ້ວ່າ ປັດຈຸບັນນີ້ ເຮົາສາມາດເຂົ້າອິນເຕີເນັດໄດ້ງ່າຍຂຶ້ນ ເຮັດໃຫ້ການຕະຫຼາດແບບອອນລາຍຂະຫຍາຍໂຕຢ່າງວ່ອງໄວເຊິ່ງ E-commerce ນັ້ນມີປະໂຫຍດກັບທຸລະກິດເຮົາຫຼາຍ ສາມາດເຮັດການຄ້າໄດ້ແບບອັດຕາໂນມັດ ຫຼື ສາມາດເປິດຮ້ານຄ້າໄດ້ທົ່ວໂລກບໍ່ວ່າຈະຢູ່ໃສກໍສາມາດເຂົ້າຫາສິນຄ້າເຮົາໄດ້ຕະຫຼອດ 24 ຊົ່ວໂມງ ເຮັດໃຫ້ເຂົ້າເຖິງກຸ່ມລູກຄ້າໄດ້ແບບກົງປະເດັນ ແລະ ສິ່ງສໍາຄັນ E-commerce ຈະຊ່ວຍເພິ່ມຍອດສິນຄ້າໃຫ້ກັບເຮົາໂດຍທີ່ເຮົ່າບໍ່ຕ້ອງລົງແຮງຫຼາຍ ນອກຈາກທີ່ເວົ້າເຖິງ E-commerce ແລ້ວຍັງສາມາດອໍານວຍຄວາມສະດວກໃຫ້ກັບທຸລະກິດແບບເຮົາໄດ້ຫຼາຍດ້ານພ້ອມກັນ.

 ເຄື່ຶອງມືທາງການຕະຫຼາດທີ່ເອົາຊະນະໃຈລູກຄ້າ ແມ່ນມີຫຍັງແດ່?

  1. Content Marketing

ການໂພສອວດອ້າງສັບພະຄຸນຂອງສິນຄ້າ ຫຼື ບໍລິການຂອງເຮົາຢ່າງດຽວບໍ່ໄດ້ ເຮົາຈະຕ້ອງເລົ່າເຖິງສິນຄ້າ ແລະ ການບໍລິການຂອງສິນຄ້າຢ່າງມີເອກະລັກ ຕ້ອງມີການວາງກົນລະຍຸດໃຫ້ກັບສິນຄ້າ ຫຼື ການບໍລິການ, ຈະຜະລິດສິນຄ້າ ຫຼື ກໍາລັງບໍລິການຫຍັງອອກມາ ເຫດຜົນທີ່ເລືອກຜະລິດ ຈະຜະລິດເພື່ອໃຜ ແລະ ຕໍ່ໄປຈຶ່ງເວົ້າເຖິງຂໍ້ດີຂອງສິນຄ້າ ຫຼື ການບໍລິການຂອງທ່ານວ່າຈະຊ່ວຍແກ້ບັນຫາໃນເລື່ອງໃດໄດ້ແດ່ ແລະ ນໍາມາຮຽບຮຽງເປັນບົດຄວາມທີ່ເປັນຕາອ່ານ ພ້ອມພາບປະກອບງາມໆ ທີ່ດຶງຄວາມສົນໃຈຂອງລູກຄ້າ.

2. Mobile Advertising

ໃນຍຸກນີ້ ໃຜໆກໍຫັນມາໃຊ້ໂທລະສັບມືຖືຫຼາຍຂຶ້ນ ເກືອບໝົດທຸກຄົນຈະມີໂທລະສັບມືຖືເປັນຂອງຕົນເອງບໍ່ວ່າຈະເປັນເດັກນ້ອຍ, ຜູ້ໃຫ່ຍ,​ ໄວໜຸ່ມ ຫຼື ຜູ້ສູງອາຍຸ ກໍລ້ວນແຕ່ມີໂທລະສັບມືຖືເປັນຂອງຕົນເອງ ແລະ ສາມາດທີ່ຈະເຂົ້າເຖິງອິນເຕີເນັດໄດ້ຢ່າງວ່ອງໄວ ດັ່ງນັ້ນ ການເລືອກ  Mobile Advertising ເຂົ້າມາເປັນເຄື່ອງມືໃນການເຮັດການຕະຫຼາດແມ່ນເປັນທາງເລືອກທີ່ດີ.

3. Video Marketing

ຈະເຫັນໄດ້ວ່າຕາມສື່ອອນລາຍມີການແຊຣຄຣິບວີດີໂອຕ່າງໆ ຍັງເປັນຄຣິບທີ່ໜ້າສົນໃຈ ແລະ ມີຄົນໃຫ້ຄວາມສົນໃຈຫຼາຍ ກໍຍິ່ງມີຄົນແຊຣຫຼາຍ  ດັ່ງນັ້ນ ການສ້າງຄຣິບວີດີໂອທີ່ມີຄຸນນະພາບ ແລະ ໜ້າສົນໃຈຈຶ່ງເປັນກົນລະຍຸດໃໝ່ທີ່ຈະສາມາດເອົາຊະນະໃຈລູກຄ້າໄດ້ຢ່າງດີ.

ທຸລະກິດ E-commerce ທີ່ມີໂອກາດປະສົບຜົນສໍາເລັດມີຫຍັງແດ່ ?

 1. ທຸລະກິດວິຕາມິນ ແລະ ອາຫານເສິມ

ຜູ້ບໍລິໂພກສ່ວນຫຼາຍແມ່ນມັກເຮັດວຽກໜັກ ແລະ ເຮັດວຽກຢູ່ນອກເປັນສ່ວນໃຫຍ່ ດັ່ງນັ້ນ ທຸກຄົນມັກຈະຫາອາຫານເສີມວິຕາມິນຕ່າງໆ ມາເພື່ອເບິ່ງແຍງຕົນເອງ ເຮົາຈະເຫັນໄດ້ວ່າໃນຕະຫຼາດອອນລາຍນັ້ນ ທຸລະກິດທີ່ກ່ຽວຂ້ອງກັບອາຫານເສີມ ແລະ ວິຕາມິນຕ່າງໆ ກໍາລັງມາແຮງ ແລະ ມີແນວໂນ້ມວ່າຈະມີອັດຕາການຊື້ຂາຍໃນໂລກອອນລາຍເພິ່ມຂຶ້ນ.

2. ທຸລະກິດຄວາມງາມທີ່ມີສານສະກັດຈາກທໍາມະຊາດ

ໃນປັດຈຸບັນ ຄົນສ່ວນໃຫຍ່ແມ່ນຫັນມາສົນໃຈກ່ຽວກັບຄວາມງາມເພິ່ມຂຶ້ນ ໂດຍເນັ້ນໃຊ້ຜະລິດຕະພັນທີ່ມີສານສະກັດຈາກທໍາມະຊາດ ເພາະຈະປອດໄພກັບຜິວຫຼາຍກ່ວາ ບໍ່ວ່າຈະເປັນເຄື່ຶອງສໍາອາງ ຄຣີມ, ນໍ້າຫອມ ຖ້າເປັນຜະລິດຕະພັນທີ່ສານສະກັດຈາກທໍາມະຊາດແມ່ນຈະມີໂອກາດປະສົບຜົນສໍາເລັດຢ່າງແນ່ນອນ.

3. ທຸລະກິດຮອງຮັບຜູ້ສູງອາຍຸ

 ຖ້າວ່າເຮົາເຮັດທຸລະກິດທີ່ຮອງຮັບຜູ້ສູງອາຍຸ ບໍ່ວ່າຈະເປັນອຸປະກອນເຄື່ອງຂອງທີ່ໃຊ້ພາຍໃນເຮືອນ, ເສື້ອຜູ້ສູງອາຍຸ, ຄຣິມບໍາລຸງສໍາລັບຜູ້ສູງອາຍຸ, ອຸປະກອນທາງການແພດ ຫຼື ສິ່ງອໍານວຍຄວາມສະດວກຕ່າງໆ.

4. ທຸລະກິດຜະລິດຕະພັນເຄື່ອງປຸງແປຮູບ

 ການໃຊ້ຊິວິດຂອງຄົນເຮົາໃນປັດຈຸບັນນີ້ ລ້ວນແຕ່ມີເລັ່ງດ່ວນເຮັດໃຫ້ຫຼາຍໆຄົນຫັນມານິຍົມໃຊ້ຜະລິດຕະພັນເຄື່ຶອງປຸງລົດແປຮູບຫຼາຍຂຶ້ນ ດັ່ງນັ້ນ ການເຮັດທຸລະກິດຜະລິດຕະພັນເຄື່ອງປຸງລົດແປຮູບກໍເປັນອິກໜຶ່ງທຸລະກິດທີ່ໜ້າສົນໃຈ ແລະ ໜ້າລົງທຶນ.

 

LEAVE A REPLY

Please enter your comment!
Please enter your name here