ບໍ່ຢາກໃຫ້ລູກຄ້າຫາຍ ຫ້າມໂພສແບບນີ້ !

0
222

ຍອດການຕິດຕາມແມ່ນເປັນປັດໄຈໜຶ່ງທີ່ສະແດງໃຫ້ເຫັນເຖິງຄວາມໜ້າເຊື່ອຖື ຄວາມນິຍົມຂອງຮ້ານຄ້າອອນລາຍທີ່ເຮັດໃຫ້ລູກຄ້າມີຄວາມເຊື່ອໝັ້ນ ແລະ ຕັດສິນໃຈຊື້ສິນຄ້າ ດັ່ງນັ້ນ ຮ້ານຄ້າອອນລາຍຈຶ່ງພະຍາຍາມຮັກສາຈໍານວນຜູ້ທີ່ຕິດຕາມ ໄປພ້ອມໆກັນ ເພາະມີຄວາມເປັນໄປໄດ້ຕະຫຼອດເວລາທີ່ລູກຄ້າຈະຢຸດຕິດຕາມ ຖ້າຫາກວ່າຍັງເຮັດສິ່ງເຫຼົ່ານີ້.

  1.   ໂພສຂໍ້ຄວາມໂປຣໂມຊັນຫຼາຍເກີນໄປ

ແນ່ນອນວ່າລູກຄ້າມັກໂປຣໂມຊັນຈາກທາງຮ້ານ ແຕ່ການໂພສຂໍ້ຄວາມໂປຣໂມຊັນຊໍ້າໆ ຫຼາຍເກີນໄປ ແມ່ນຈະກໍໃຫ້ເກີດຄວາມລໍາຄານໄດ້. ໂດຍຜົນຂອງການສໍາຫຼວດຂອງ Sprout Social ບອກວ່າ 58% ຂອງຜູ້ຕອບແບບສອບຖາມທີ່ບອກວ່າພວກເຂົາຮູ້ສຶກລໍາຄານໂພສຂໍ້ຄວາມໂປຣໂມຊັນທີ່ຫຼາຍເກີນໄປ ແລະ ອີກ 85% ບອກວ່າຕ້ອງການເຫັນສິນຄ້າ ແລະ ການບໍລິການຫຼາຍຄັ້ງກ່ອນຕັດສິນໃຈຊື້ສິນຄ້າຫຼາຍກ່ວາ ດັ່ງນັ້ນ ຈຶ່ງຕ້ອງຮູ້ຈັກການກະໄລຍະເວລາໃນການໂພສຂໍ້ຄວາມ ຫຼື ໂປຣໂມຊັນຕ່າງໆບໍ່ໃຫ້ຫຼາຍເກີນໄປ.

  1. ໂພສຂໍ້ຄວາມທີ່ບໍ່ກ່ຽວຂ້ອງ

ຈາກຜົນຂອງການສໍາຫຼວດສະຫລຸບໄດ້ວ່າ  41%  ຂອງຜູ້ຕອບແບບສອບຖາມແມ່ນຈະຢຸດຕິດຕາມເມື່ອອ່ານບົດຄວາມທີ່ບໍ່ກ່ຽວຂ້ອງຫຼາຍເກີນໄປ ເພາະຈະຮູ້ສຶກເປັນບົດຄວາມຂີ້ເຫຍື້ອ ດັ່ງນັ້ນ ການໂພສບາງສິ່ງບາງຢ່າງທີ່ນອກເໜືອໃນບາງເວລາ ເພື່ອສ້າງຄວາມສໍາພັນກັບລູກຄ້ານັ້ນ ສາມາດເຮັດໄດ້ ແຕ່ຕ້ອງເລືອກອັນທີ່ສໍາຄັນທີ່ສຸດ ແລະ ຢ່າລືມວ່າເພຈຂອງເຮົາເປັນເພຈກ່ຽວກັບຫຍັງ? ຄວນເລືອກບົດຄວາມ ຫຼື ແຊຣ໌ບົດຄວາມທີ່ກ່ຽວຂ້ອງເປັນການຈະດີກ່ວາ.

  1. ການໃຊ້ຄໍາສະເພາະກຸ່ມ

ຫຼາຍເທື່ອທີ່ເຮົາຕ້ອງສ້າງຄວາມສໍາພັນກັບລູກຄ້າໃນກຸ່ມເດັກໄວລຸ່ນຈຶ່ງພະຍາຍາມໃຊ້ຄໍາເພື່ອເຂົ້າເຖິ່ງກຸ່ມຄົນເຫຼົ່ານີ້ ແຕ່ຖ້າບໍ່ລະມັດລະວັງແທນທີ່ຈະເປັນຜົນດີກໍອາດຈະກາຍເປັນຮ້າຍໄດ້ ເພາະວ່າມີຜົນສໍາຫຼວດຢືນຢັນວ່າມີເຖີ່ງ 30% ພະຍາຍາມໃຊ້ຄໍາສະເພາະກຸ່ມເປັນເລື່ອງໜ້າລໍາຄານ ແລະ ຈະຢຸດຕິດຕາມ.

4. ເພຈງຽບເກີນໄປ

ໂພສຫຼາຍເກີນໄປກໍບໍ່ດີ ແຕ່ຖ້າໂພສນ້ອຍເກີນໄປຈົນຮູ້ສຶກວ່າມິດເກີນໄປກໍບໍ່ດີເຊັ່ນກັນ ເພາະ 18% ບອກວ່າຈະຢຸດຕິດຕາມດັ່ງນັ້ນ ຖ້າບໍ່ຮູ້ຈະໂພສຫຍັງໃຫ້ລອງສັງເກດເບິ່ງຄູ່ແຂ່ງຂັນວ່າເຂົາໂພສບົດຄວາມຍັງແດ່ເປັນປະຈໍາ.

  1. ບໍ່ຕອບຄໍາຖາມລູກຄ້າ

ມີຜູ້ຕອບແບບສອບຖາມເຖິງ 15% ທີ່ບອກວ່າ ຖ້າຖາມຍັງໄປແລ້ວບໍ່ຕອບກັບກໍເປັນເຫດຜົນທີ່ຈະຢຸດຕິດຕາມ ໄດ້ງ່າຍໆ ທີ່ຈິງແລ້ວການຕອບຄໍາຖາມບໍໄດ້ມີຜົນດີສະເພາະແຕ່ເລື່ອງຍອດຄົນຕິດຕາມເທົ່ານັ້ນ ແຕ່ເປັນການສ້າງປະສົບການທີ່ດີຮ່ວມກັນລະຫວ່າງລູກຄ້າກັບຮ້ານຄ້າອອນລາຍ.

LEAVE A REPLY

Please enter your comment!
Please enter your name here