ມາແລ້ວ!!! ໂຮງໝໍໄທ ຈະເປີດທີ່ນະຄອນຫຼວງວຽງຈັນ

0
211

ວັນທີ 8 ມັງກອນ ທີ່ໂຮງແຮມ Crowne Plaza Vientiane ໄດ້ມີພິທີເຊັນສັນຍາສ້າງ ໂຮງໝໍ ກະເສມຣາດ ອິນເຕີຣ໌ເນຊັ່ນແນວ ວຽງຈັນ ລະຫວ່າງ Bangkok Chain International (Lao)., Ltd ກັບ ກັບບໍລິສັດປະຊາໂຊກກໍ່ສ້າງເຄຫາສະຖານ ຈໍາກັດ ໃຫ້ກຽດເຂົ້າຮ່ວມພິທີໂດຍ ທ່ານ. ຮສ. ດຣ. ບຸນກອງ ສີຫາວົງ ລັດຖະມົນຕີ ກະຊວງສາທາລະນະສຸກ, ທ່ານ ພູມມິພັກ ຊັດນໍລະເຊດ ຜູ້ອໍານວຍການຝ່າຍການເງິນ ບໍລິສັດ Bangkok Chain International (Lao)., Ltd, ທ່ານ ໄຊຍະວົງ ເວດສະພົງ ຕົວແທນບໍລິສັດ Bangkok Chain International (Lao)., Ltd, ທ່ານ ຮສ. ດຣ. ນາຍແພດ ສະເຫຼີມ ຫານພານິດ ຜູ້ອໍານວຍການໃຫຍ່ ບໍລິສັດ Bangkok Chain International (Lao)., Ltd, ທ່ານ ນາງ ວາລີ ເວດສະພົງ ຮອງຜູ້ອໍານວຍການໃຫຍ່ ບໍລິສັດ Bangkok Chain International (Lao)., Ltd, ທ່ານ ຄິດຕະພອນ ສຸພາບ ອໍານວຍການບໍລິສັດປະຊາໂຊກ ກໍ່ສ້າງ-ເຄຫະສະຖານ ຈໍາກັດ, ທ່ານ ນາງ ສຸດທະພອນ ສຸພາບ ຮອງອໍານວຍການ ບໍລິສັດປະຊາໂຊກ ກໍ່ສ້າງ-ເຄຫະສະຖານ ຈໍາກັດ, ບັນດາແຂກ ແລະ ສື່ມວນຊົນຈາກຫຼາຍພາກສ່ວນເຂົ້າຮ່ວມພິທີເຊັນສັນຍາດັ່ງກ່າວ.


ໂຮງໝໍ ກະເສມຣາດ ອິນເຕີຣ໌ເນຊັ່ນແນວ ວຽງຈັນ ເປັນໂຮງໝໍສາກົນ ເຊິ່ງຕັ້ງຢູ່ບ້ານ ດອນນົກຂຸ້ມ, ເມືອງສີສັດຕະນາກ, ນະຄອນຫຼວງວຽງຈັນ. ເນື້ອທີ່ທັງໝົດ 1.92ຮຕ, ດ້ວຍຂະໜາດ 12 ຊັ້ນ, 144 ຫ້ອງ ແລະ 254 ຕຽງ ສໍາລັງການກໍ່ສ້າງແມ່ນຈະສໍາເລັດໃນປີ 2020 ໂດຍມີມູນຄ່າກໍ່ສ້າງເກືອບ 600 ລ້ານບາດ ຫຼື 160 ຕື້ກີບ.


ອີກບໍ່ດົນ ປະຊາຊົນລາວພວກເຮົາຈະໄດ້ໃຊ້ບໍລິການໂຮງໝໍທີ່ມີມາດຕະຖານສາກົນ ພ້ອມກັບການບໍລິການຄົບວົງຈອນຢ່າງແນ່ນອນ.

LEAVE A REPLY

Please enter your comment!
Please enter your name here