“ມີກ່ອນ ໃຊ້ກ່ອນ” ກຸ່ມລູກຄ້າມາແຮງ

0
124

ຮູ້ ຫຼື ບໍ່ ຖ້າຢາກໃຫ້ແບຣນຖືກບອກຕໍ່ ແລະ ໄດ້ຮັບການຍອມຮັບຈາກຄົນໃນສັງຄົມ ຜູ້ປະກອບການຕ້ອງໃຫ້ຄວາມສຳຄັນກັບກຸ່ມລູກຄ້າທີ່ມີຊື່ວ່າ: “ມີກ່ອນ ໃຊ້ກ່ອນ” ຫຼື Early Adopters ໂດຍລູກຄ້າກຸ່ມນີ້ເປີດຮັບນະວັດຕະກຳ ແລະ ເທຣນໃຫມ່ໆໄດ້ໄວ, ກ້າໄດ້ກ້າເສຍ ແລະ ບໍ່ມີປັນຫາເລື່ອງລາຄາສິນຄ້າ ເພາະລາຄາແພງເທົ່າໃດພວກເຂົາກໍ່ຊື້ ຂໍແຕ່ໃຫ້ເປັນຄົນທຳອິດທີ່ໄດ້ໃຊ້ ຫຼັງຈາກໃຊ້ສິນຄ້າພວກເຂົາກໍ່ຈະມັກຣີວິວລົງສື່ສັງຄົມອອນລາຍ ໂດຍບອກຄວາມຮູ້ສຶກການໃຊ້ສິນຄ້າຕາມຄວາມເປັນຈິງ ແລະ ເນື່ອງດ້ວຍກຸ່ມນີ້ເປັນຜູ້ນຳດ້ານຄວາມຄິດເມື່ອເຂົາຣີວິວສິນຄ້ານັ້ນໆໃຊ້ດີ ຜູ້ຄົນທີ່ຕິດຕາມເຂົາກໍ່ຈະຊື້ຕາມ. ສຳລັບ ສິນຄ້າທີ່ລູກຄ້າກຸ່ມນີ້ໃຫ້ຄວາມສົນໃຈນັ້ນ ມີ 3 ກຸ່ມສິນຄ້າໄດ້ແກ່:

  1. ສິນຄ້າກຸ່ມແຟຊັ່ນ ແລະ ເຄື່ອງສຳອາງ: ຊ່ອງທາງທີ່ Early Adopters ໃຊ້ອັບເດດຂ່າວສານແວດວົງແຟຊັ່ນຄື: Instagram, Facebook ແລະ YouTube. ສ່ວນເຄື່ອງສໍາອາງ ພວກເຂົາຕິດຕາມຂ່າວເຄື່ອງສຳອາງໃໝ່ໆ ແລະ ຣີວິວເຄື່ອງສຳອາງຜ່ານເວັບໄຊທ໌.

ເຫດຜົນການຕັດສິນໃຈຊື້:  ພວກເຂົາຈະຊື້ສະເພາະສິນຄ້າທີ່ກົງກັບ lifestyle ຂອງຕົນເອງ.

  1. ສິນຄ້າກຸ່ມເທັກໂນໂລຊີ ແລະ ອຸປະກອນ: ກ່ອນຕັດສິນໃຈຊື້ກຸ່ມ Early Adopters ຈະສຶກສາຂໍ້ມູນສິນຄ້າຢ່າງລະອຽດ ທັງເລື່ອງວິທີການໃຊ້ງານ, ຄຸນສົມບັດ ລວມທັງປຽບທຽບລຸ້ນ ແລະ ຍີ່ຫໍ້ວ່າມີຄວາມຄື ຫຼື ຕ່າງກັນແນວໃດ. ດັ່ງນັ້ນ, ຊ່ອງທາງທີ່ຄົນກຸ່ມນີ້ເຂົ້າໄປຫາຂໍ້ມູນຈື່ງເປັນເພຈ ຫຼື ເວັບໄຊທ໌ທີ່ນຳສະເໜີຂໍ້ມູນທີ່ໃໝ່ ແລະ ຄອບຄຸມທຸກເລື່ອງທີ່ພວກເຂົາຢາກຮູ້.

ເຫດຜົນການຕັດສິນໃຈຊື້:  ເຄື່ອງທີ່ມີຄຸນນະພາບ, ມີມາດຕະຖານ, ມີຄວາມແປກໃໝ່, ໃຊ້ງານດີ ແລະ ສົມລາຄາ ສົມເຫດສົມຜົນ. ສ່ວນສິນຄ້າ Limited Edition ທີ່ຈະຂາຍຄົນກຸ່ມນີ້ໄດ້ຕ້ອງມີຄຸນຄ່າທາງຈິດໃຈ.

  1. ສິນຄ້າກຸ່ມອາຫານ ແລະ ເຄື່ອງດື່ມ:​ ຖ້າມີລົດຊາດທີ່ແຊບຈະບໍ່ສາມາດດຶງ Early Adopters ໄດ້ ພວກເຂົາຕ້ອງການອາຫານທີ່ມີລູກເລ່ນເຊັ່ນ: ເມນູພິເສດ ລວມທັງບັນຍາກາດ, ການຕົກແຕ່ງຮ້ານທີ່ແປກຕາ ຫາກຮ້ານຖືກໃຈ ເມນູເປັນຕາລອງບໍ່ວ່າຈະຢູ່ໄກເທົ່າໃດ ພວກເຂົາກໍ່ຈະນຳໄປເຊັກອີນ.

ເຫດຜົນການຕັດສິນໃຈຊື້:  ເມນູທີ່ແປກໃໝ່.

LEAVE A REPLY

Please enter your comment!
Please enter your name here