ລະດູຝົນ ຫຼາຍຄົນອາດຈະມັກຄວາມຊຸ່ມເຢັນທີ່ມາກັບສາຍຝົນ ແຕ່ສຳລັບຜູ້ປະກອບອາຊີບຄ້າຂາຍ ແລະ ໃຫ້ບໍລິການແລ້ວອາດຈະບໍ່ຄ່ອຍຈະມັກປານໃດ ເພາະເມື່ອໃດກໍ່ຕາມທີ່ຝົນຕົກ ຈະເຮັດໃຫ້ລາຍໄດ້ທີ່ຫຼຸດລົງ. ມາເບິ່ງໄອເດຍການເຮັດທຸລະກິດໃຫ້ປະສົບຜົນສຳເລັດໃນຊ່ວງໜ້າຝົນກັນເລີຍ.

Delivery ສົ່ງເຖິງທີ່ບໍ່ມີປຽກຝົນ

ທາງຮ້ານຄວນມີການສົ່ງສິນຄ້າເຖິງທີ່ ສ້າງຄວາມສະດວກສະບາຍໃຫ້ແກ່ລູກຄ້າ ພຽງແຕ່ຖ້າຮັບເຄື່ອງແບບສະບາຍໆຢູ່ບ້ານ ແນ່ນອນວ່າບໍ່ແມ່ນພຽງແຕ່ພໍ່ຄ້າມີລາຍໄດ້ ແຕ່ຜູ້ບໍລິການຈັດສົ່ງກໍ່ໄດ້ມີລາຍຮັບຕາມອີກດ້ວຍ. ພຽງໃຫ້ບໍລິການດ້ວຍການຮັບຄຳສັ່ງຊື້ສິນຄ້າ ຈາກນັ້ນ ຈຶ່ງໄປຈັດຊື້ທີ່ຮ້ານແລ້ວມານຳສົ່ງໃຫ້ແກ່ຜູ້ຊື້ໂດຍໄລ່ຄ່າບໍລິການຕາມຄວາມເໝາະສົມ.

ໂປຣໂມຊັ່ນຖືກໃຈ ຈັດໄປສະເພາະໜ້າຝົນ

ການສ້າງແຮງຈູງໃຈເປັນເລື່ອງສຳຄັນຢ່າງຍິ່ງສຳລັບການຄ້າ ບໍ່ວ່າຈະເປັນການຫຼຸດ, ແລກ, ແຈກແຖມທັງໝົດ ລ້ວນແຕ່ເປັນການດຶງດູດໃຈລູກຄ້າ ໃຫ້ເຫັນຄວາມຄຸ້ມຄ່າທີ່ໄດ້ຮັບຈາກການຊື້ສິນຄ້າໃນແຕ່ລະຄັ້ງ ອາດຈະຈັດໂປຣໂມຊັ່ນດີໆ ທີ່ມີສະເພາະຊ່ວງໜ້າຝົນເຊັ່ນ: ການຈັບຄູ່ສິນຄ້າແລ້ວຫຼຸດລາຄາ, ການແຖມສິນຄ້າເມື່ອຊື້ຕາມລາຄາທີ່ກໍານົດ ເຖິງວ່າບາງເທື່ອກໍາໄລອາດຈະຫຼຸດລົງ ແຕ່ກໍ່ຖືເປັນເລື່ອງດີກວ່າທີ່ສິນຄ້າຄ້າງຢູ່ຮ້ານ.

ສິນຄ້າຕາມລະດູການຍອດຂາຍເພີ່ມຂຶ້ນທັງໜ້າຮ້ານ ແລະ ອອນລາຍ

ສິນຄ້າທີ່ມີຄວາມຈຳເປັນຢ່າງຍິ່ງໃນຊ່ວງລະດູຝົນເຊັ່ນ: ຄັນຫົ່ມ, ໝວກ, ເສື້ອກັນຝົນ, ເກີບໂບກ, ຊອງກັນນ້ຳ ລວມເຖິງເຄື່ອງສຳອາງກັນນ້ຳ ທີ່ສາມາດໃຫ້ບໍລິການໄດ້ໃນແບບມີໜ້າຮ້ານ ແລະ ທາງອອນລາຍ ຍັງມີອີກທຸລະກິດປະເພດໜຶ່ງທີ່ຂາດບໍ່ໄດ້ໃນຊ່ວງໜ້າຝົນກໍ່ຄື ທຸລະກິດຮັບສ້ອມແປງຫຼັງຄາ ແລະ ຮ່ອງຮອຍການຮົ່ວຊຶມຕາມຈຸດຕ່າງໆຂອງບ້ານທີ່ຫຼາຍຄົນເບິ່ງຂ້າມກໍ່ມີຄວາມຈຳເປັນສຳລັບໜ້າຝົນເຊັ່ນດຽວກັນ.

LEAVE A REPLY

Please enter your comment!
Please enter your name here