ຢ່າພາດ!!! ງານ Top Thai Brands 2019”

0
202

ວັນທີ 6 ມີນາ 2019 ທີ່ສູນການຄ້າ ລາວ-ໄອເຕັກ (ຕຶກເກົ່າ) ໄດ້ຈັດພິທີເປີດງານ Top Thai Brands ຢ່າງເປັນທາງການ. ປີນີ້ ມາພ້ອມກັບ ການນໍາ “Food Truck” ທຸລະກິດແບບໃຫມ່ທີ່ນ່າສົນໃຈ ແລະ ການວາງສະແດງສິນຄ້າຫລາກຫລາຍຈາກປະເທດໄທ ເປັນໂອກາດດີສໍາລັບຄົນທີ່ຢາກເຮັດທຸລະກິດກັບປະເທດໄທ ງານນີ້ຂໍບອກວ່າເຈົ້າຂອງສິນຄ້າມາເອງ.

ການຈັດງານ “Top Thai Brands 2019” ແມ່ນການຮ່ວມມືລະຫວ່າງ ກົມສົ່ງເສີມການຄ້າ ກະຊວງອຸດສາຫະກໍາ ແລະ ການຄ້າ ສປປ ລາວຮ່ວມກັບ ກົມສົ່ງເສີມການຄ້າລະຫວ່າງປະເທດ ກະຊວງພານິດ ແຫ່ງຣາດຊະອານາຈັກໄທ. ເຊິ່ງຈະຈັດລະຫວ່າງວັນທີ 6-10 ມີນາ 2019, ໂດຍມີຜູ້ປະກອບການ ລາວ-ໄທ ຫລາຍກວ່າ 200 ບູ໊ດ. ໃນງານເປັນກຽດເປີດພິທີໂດຍທ່ານ ພັນທອງ ພິດທຸມມາ ຮອງ ກະຊວງອຸດສາຫະກໍາ ແລະ ການຄ້າ, ທ່ານ ນາງ ຍານີ ສີມີໄຊ ອັກຄະລາດສະທູດທີ່ປຶກສາ ຝ່າຍພານິດ ສໍານັກງານສົ່ງເສີມການຄ້າໃນຕ່າງປະເທດ ທີ່ວຽງຈັນ ສະຖານເອກອັກຄະລາດສະທູດແຫ່ງລາດຊະອານາຈັກໄທ, ແຂກນັກທຸລະກິດຈາກຝັ່ງລາວ ແລະ ຝັ່ງໄທ ພ້ອມດ້ວຍສື່ມວນຊົນຈາກຫຼາຍສື່ເຂົ້າຮ່ວມພິທີດັ່ງກ່າວ.

ໃນງານແມ່ນລວມສິນຄ້າຄຸນນະພາບ ແລະ ບໍລິການຂອງໄທເຊັ່ນ: ອາຫານ ແລະ ເຄື່ອງດື່ມ, ຜະລິດຕະພັນເພື່ອສຸຂະພາບ ແລະ ຄວາມງາມ, ເຄື່ອງໜັງ, ສິນຄ້າສໍາລັບເດັກ, ເຄື່ອງໃຊ້ໃນຄົວເຮືອນ ແລະ ອື່ນໆ 200 ກວ່າ ບູ໊ດ.

ນອກຈາກນີ້ໃນງານຍັງມີການຈັດສໍາມະນາ ຮ່ວມສົນທະນາກັບຜູ້ປະກອບການລຸ້ນໃໝ່ ລວມເຖິງສິນລະປິນຊື່ດັງຈາກປະເທດເພື່ອບ້ານ ຮັບຮອງວ່າ ມາງານດຽວສຸດຄຸ້ມ ທັງທຸລະກິດ, ຄວາມຮູ້ ແລະ ຄວາມບັນເທິງ.

ສະຖານທີ: ສູນການຄ້າ ລາວ-ໄອເຕັກ (ຕຶກເກົ່າ)

ເວລາ: 10:00-21:00

LEAVE A REPLY

Please enter your comment!
Please enter your name here