ໄຂຄວາມລັບ Video Marketing

0
181

ການເຮັດການຕະຫຼາດດ້ວຍວີດີໂອ ຫຼື Video Marketing ເປັນເລື່ອງທີ່ຜູ້ປະກອບການທຸກຄົນຄວນຮຽນຮູ້, ຕ້ອງເຂົ້າໃຈ ແລະ ກ້າວຜ່ານຄວາມຢ້ານທີ່ຈະບໍ່ຮູ້ເລື່ອງໄປໃຫ້ໄດ້ ເພາະ Video Marketing ຈະບໍ່ຕົກຍຸກໃນໄວໆນີ້ຢ່າງແນນ່ອນ, ເຊິ່ງຂໍ້ມູນຂອງ Forbes ລະບຸວ່າ:

  • 90% ຂອງລູກຄ້າໃຫ້ຄວາມເຫັນວ່າວີດີໂອແນະນໍາຜະລິດຕະພັນ ມີສ່ວນຊ່ວຍໃຫ້ເຂົາຕັດສິນໃຈຊື້ສິນຄ້າ
  • 64% ຂອງລູກຄ້າມີແນວໂນ້ມທີ່ຈະຊື້ສິນຄ້າອອນລາຍຫຼັງຈາກໄດ້ຮັບຊົມວີດີໂອ
  • 65% ຂອງລູກຄ້າທີ່ໄດ້ຮັບຊົມວີດີໂອມີໂອກາດເຂົ້າໄປຊົມເວັບໄຊທ໌ຕໍ່

ແລ້ວເຮັດແບບໃດໃຫ້ວີດີໂອອອນລາຍຂອງເຮົາປະສົບຜົນສຳເລັດ ມາຕິດຕາມນໍາກັນ

  1. ຕັ້ງເປົ້າໝາຍໃນການເຮັດວີດີໂອອອນລາຍ: ການເຮັດການຕະຫຼາດທຸກປະເພດເຮົາຕ້ອງຮູ້ວ່າເຮົາເຮັດເພື່ອຫຍັງ? ເພື່ອກໍານົດວິທີທີ່ຈະເຮັດໃຫ້ກົນລະຍຸດປະສົບຜົນສໍາເລັດ ຍົກຕົວຢ່າງເຊັ່ນ: ຕ້ອງການສ້າງວີດີໂອໃຫ້ມີຄວາມມ່ວນຊື່ນ, ໜ້າສົນໃຈ ເພື່ອເຮັດໃຫ້ຜູ້ຊົມມີຄວາມຕ້ອງການເຂົ້າໄປຊົມເວັບໄຊທ໌ ເພື່ອຮຽນຮູ້ຜະລິດຕະພັນອື່ນໆຂອງເຮົາຕໍ່ໄປ ຫຼື ຕ້ອງການໃຫ້ຜູ້ຊົມສະໝັກສະມາຊິກ ແລະ ຮັບສິດທິພິເສດເປັນຕົ້ນ.
  2. ເລືອກຮູບແບບການນຳສະເໜີວີດີໂອໃຫ້ເໝາະສົມ: ອາດຈະສ້າງວີດີໂອຂຶ້ນມາເພື່ອແນະນໍາການໃຊ້ຜະລິດຕະພັນ ຫຼື ວິທີການເກັບຮັກສາຜະລິດຕະພັນກໍໄດ້ ເຖິງຢ່າງໃດວີດີໂອທີ່ສ້າງຂຶ້ນມາຄວນຢູ່ເທິງພື້ນຖານຄວາມຕ້ອງການຮັບຮູ້ ຫຼື ຄວາມມັກຂອງລູກຄ້າອີກດ້ວຍ. ດັ່ງນັ້ນ, ລອງຫາຂໍ້ມູນເບິ່ງກ່ອນວ່າ ກຸ່ມລູກຄ້າຂອງເຮົາມັກກົດ Like ຫຼື ກົດ Share ເນື້ອຫາປະເພດໃດ ເພື່ອເຮົາຈະສ້າງວີດີໂອໃຫ້ມີຄວາມສອດຄ່ອງ ຫຼື ເລືອກເນື້ອຫາທີ່ໃກ້ຄຽງກັນ.
  3. ຈັບຈຸດທີ່ຄຸນນະພາບບໍ່ແມ່ນທີ່ປະລິມານ: ທຸກມື້ນີ້ສະມາດໂຟນສ່ວນໃຫຍ່ສາມາດບັນທຶກວີດີໂອ, ແກ້ໄຂ, ເພີ່ມເທັກນິກພິເສດ, ໃສ່ຊື່ ແລະ ຄໍາບັນຍາຍແບບສັັ້ນໆ. ຂະບວນການທີ່ສະດວກສະບາຍນີ້ອາດຈະເຮັດໃຫ້ເຮົາບັນທຶກວີດີໂອ ແລະ ອັບໂຫຼດລົງສື່ສັງຄົມອອນລາຍຫຼາຍເກີນຄວາມຈຳເປັນ ເຖິງວ່າເຮົາບໍ່ຈຳເປັນຕ້ອງສ້າງວີດີໂອທີ່ດີຈົນຕ້ອງໄດ້ຮັບລາງວັນ ແຕ່ວີດີໂອທີ່ກ່ຽວຂ້ອງກັບການເຮັດທຸລະກິດ ກໍ່ຄວນຜ່ານຂະບວນການທາງຄວາມຄິດ, ມີເນື້ອຫາທີ່ດີ, ໜ້າສົນໃຈ ແລະ ມີຄຸນນະພາບ ຫຼາຍກວ່າປະລິມານ.
  4. ເຮັດວີດີໂອທີ່ສາມາດເປີດໃນໂທລະສັບມືຖືໄດ້: ໃນປະຈຸບັນ ຜູ້ໃຊ້ງານອິນເຕີເນັດໃຊ້ເວລາໃນການເບິ່ງວີດີໂອຜ່ານໂທະສັບມືຖືເປັນເວລາສະເລ່ຍ 29% ເຊິ່ງຕົວເລກນີ້ມີແນວໂນ້ມວ່າຈະສູງອີກ 25% ຂຶ້ນ.
  5. ໃຊ້ຄຳບັນລະຍາຍກ້ອງຮູບພາບ: ເຊື່ອ​ ຫຼື ບໍ່ວ່າ ວີີດີໂອກວ່າ 50% ໃນ Facebook ຂອງຕ່າງປະເທດສາມາດຮັບຊົມໄດ້ໂດຍບໍ່ຕ້ອງຟັງສຽງ ເຊິ່ງຄຳບັນຍາຍສາມາດຊ່ວຍໃຫ້ຜູ້ຊົມເຂົ້າໃຈເນື້ອຫາໄດ້ໂດຍບໍ່ຕ້ອງລົບກວນຜູ້ອື່ນ ຫຼື ເຮັດໃຫ້ຫົວໜ້າບໍ່ຮູ້ວ່າເຮົາລັກຫຼິ້ນ Facebook ຢູ່.
  6. ສັ້ນໄດ້ໃຈຄວາມ: ເຖິງວ່າວີດີໂອບາງປະເພດຈະມີຄວາມຍາວບໍ່ເກີນ 3 ນາທີ ແຕ່ການທີ່ຜູ້ຮັບຊົມວີດີໂອຕ້ອງເບິ່ງດົນໆບໍ່ແມ່ນການດີ ເພາະຖ້າບໍ່ມີຄວາມມ່ວນຊື່ນ ກໍ່ອາດຈະເບື່ອ ແລະ ບໍ່ມັກໄປເລີຍ ຊຶ່ງຜົນວິໄຈລະບຸໄວ້ວ່າຄວາມຍາວທີ່ເໝາະສົມຂອງການຮັບຊົມວີດີໂອນັ້ນສະເລ່ຍຢູ່ 51 ວິນາທີ.

LEAVE A REPLY

Please enter your comment!
Please enter your name here