4 ເທັກນິກສ້າງຍອດທະລຸ ຮ້ານຂາຍເຄື່ອງໃຊ້ໄຟຟ້າອອນລາຍ

0
196
  1. ສ້າງຄວາມໜ້າເຊື່ອຖື

ເມື່ອກ້າວເຂົ້າສູ່ຕະຫຼາດອອນລາຍ ຢ່າລືມທີ່ຈະນໍາເອົາລີວິວຂອງລູກຄ້າອ໋ອບລາຍມາເຜີຍແພ່ໃຫ້ລູກຄ້າອອນລາຍໄດ້ອ່ານ ເຖິງຢ່າງໃດກໍ່ຕາມການລີວິວພຽງຢ່າງດຽວອາດບໍ່ພຽງພໍທີ່ຈະເຊື່ອໝັ່ນໄດ້ຕ້ອງເພີ່ມການບໍລິການເຂົ້າມາຊ່ວຍຄື 1. ວ່ອງໄວ້: ໝາຍເຖິງການຕອບກັບລູກຄ້າ ແລະ ການຈັດສົ່ງ 2.​ຮຽບຮ້ອຍ: ເຄື່ອງໃຊ້ໄຟຟ້າທີ່ຈັດສົ່ງໃຫ້ລູກຄ້າຕ້ອງເປັນສິນຄ້າໃໝ່ບໍ່ມີຕໍານິ ແລະ ຕ້ອງກວດສອບສະພາບສິນຄ້າກ່ອນສົ່ງທຸກຄັ້ງ ແລະ 3.​ ບໍລິການຫຼັງການຂາຍ: ຫຼັງຈາກລູກຄ້າໄດ້ຮັບສິນຄ້າ ຈະມີເຈົ້າໜ້າທີ່ຕິດຕໍ່ໄປສອບຖາມຄວາມພໍໃຈ ຫາກມີບັນຫາເກິດຂຶ້ນກໍພ້ອມດໍາເນີນການແກ້ໄຂໂດຍໄວທີ່ສຸດ.

  1. ລົງສິນຄ້າໃນອອນລາຍກ່ອນ

ຄວາມໄດ້ປຽບຂອງການຄ້າອອນລາຍຄື ລູກຄ້າເຂົ້າເຖິງສິນຄ້າໄດ້ໄວກ່ວາອ໋ອບລາຍ ເພາະຮ້ານອອນລາຍເປິດ 24 ຊົ່ວໂມງ ແຕ່ຮ້ານອ໋ອບລາຍມີເວລາ ເປິດ – ປິດ ດັ່ງນັ້ນ ຈຶ່ງລົງຂາຍເຄື່ອງໃຊ້ໄຟຟ້າລຸ່ນໃໝ່ໃນຮ້ານອອນລາຍກ່ອນ ເພື່ອໃຫ້ຂໍ້ມູນເຂົ້າເຖິງລູກຄ້າໄດ້ໄວທີ່ສຸດ.

  1. ຂາຍເຄື່ອງໃຊ້ໄຟຟ້າທີ່ມີເທັກໂນໂລຊີທັນສະໄໝ

ໜຶ່ງໃນການສ້າງແຮງດຶງດູດໃຫ້ລູກຄ້າເຂົ້າມາເບິ່ງສິນຄ້າໃນຮ້ານຄ້າອອນລາຍ ຄື ຄວາມໄວໃນການຂາຍສິນຄ້າ ແລະ ການຄັດເລືອກສິນຄ້າທີ່ມີຄວາມແຕກຕ່າງຈາກຮ້ານອື່ນມາຂາຍ ເພື່ອຕ້ອງການຕອບສະໜອງຄວາມຕ້ອງການຂອງລູກຄ້າຍຸກໃໝ່ທີ່ມັກຄວາມສະບາຍ ແລະ ການຂາຍເຄື່ອງໃຊ້ໄຟຟ້າປະເພດນີ້ຍັງຊ່ວຍສ້າງພາບລັບໃຫ້ຮ້ານມີຄວາມເປັນຜູ້ນໍາດ້ານເຕັກໂນໂລຊີ.

  1. ​ລົງຂໍ້ມູນໃຫ້ຄົບ

ເພາະລູກຄ້າອອນລາຍແມ່ນມີໂອກາດໜ້ອຍທີ່ຈະໄດ້ເຫັນສິນຄ້າກ່ອນສັ່ງຊື້ ຂໍ້ມູນຕ່າງໆທີ່ຂຽນໃນຮ້ານຄ້າອອນລາຍຈຶ່ງສໍາຄັນຫຼາຍໂດຍໄດ້ຂຽນສິນຄ້າດ້ວຍການແບ່ງເປັນຫົວຂໍ້ຕ່າງໆເພື່ອໃຫ້ລູກຄ້າເຂົ້າໃຈງ່າຍ ແລະ ສະດວກຕໍ່ການນໍາໄປໃຊ້ປຽບທຽບກັບຍີ່ຫໍ້ອື່ນ ເຊັ່ນ: ຈຸດເດັ່ນຂອງເຄື່ອງປັບອາກາດ A ຄື 1. ເຮັດຈາກວັດສະດຸຫຍັງ 2. ປະຍັດໄຟຈັກເປີເຊັນ ແລະ 3. ຂະໜາດເທົ່າໃດ ເປັນຕົ້ນ ສ່ວນພາບຖ່າຍສິນຄ້າຕ້ອງແຈ້ງ ແລະ ມີພາບຫຼາຍມຼມ ນອກຈາກນີ້ ຍັງມີວີດີໂອແນະນໍາວິທີໃຊ້ ແລະ ຄູ່ມືສອນການຕິດຕັ້ງເພື່ອລູກຄ້າຈະໄດ້ຕິດຕັ້ງເຄື່ອງໃຊ້ໄຟຟ້າໄດ້ຢ່າງຖືກຕ້ອງ.

LEAVE A REPLY

Please enter your comment!
Please enter your name here