Live! ຖືກວິທີ ຍອດຂາຍລົ້ນ

0
623

 

  • ການ Live ແມ່ນຄືກັນກັບກະຕຸ້ນໃຫ້ລູກຄ້າຕ້ອງຕັດສິນໃຈຊື້ສິນຄ້າໃນເວລານັ້ນ ຖ້າບໍ່ດັ່ງນັ້ນຈະພາດສິນຄ້າລາຄາພິເສດ ຫຼື ໂປຣໂມຊັນທີ່ຈັດສະເພາະຊ່ວງ Live
  • ແລ້ວຈະເຮັດແນວໃດຈຶ່ງຈະ Live ໃຫ້ຖືກວິທີ ຍອດຂາຍລົ້ນ

ທຸກມື້ນີ້ ປະຕີເສດບໍ່ໄດ້ວ່າ Live ແມ່ນໄດ້ກາຍມາເປັນຊ່ອງທາງສ້າງຍອດຂາຍຫຼັກ ຂອງຫຼາຍໆແບຣນໄປແລ້ວ ໂດຍສະເພາະແບຣນອອນລາຍທີ່ Live  ຂາຍເຄື່ຶອງຢູ່ເພລເຟສບຸກ ແລະ ອີນສຕາແກຣມຢ່າງນ້ອຍມື້ລະເທື່ອ ແລະ Live ຕິດຕໍ່ກັນເກືອບຈະທຸກມື້ ຊຶ່ງການໃຊ້ Live ມີຂໍ້ດີທັ້ງກັບເຈົ້າຂອງແບຣນໃນການເພີ່ມຊ່ອງທາງການຂາຍ ແລະ ບັນດາຜູ້ຊື່ທີ່ໝັ່ນໃຈວ່າໄດ້ຮັບສິນຄ້າຖືກຕາມຄວາມຕ້ອງການ ເພາະເຫັນພາບສິນຄ້າທຸກມູມກ່ອນສັ່ງ.

  1. ກຽມສິນຄ້າ ແລະ ເນື້ອຫາ ໃຫ້ພ້ອມ: ຖ້າເປັນມືໃໝ່ຮຽນ Live ແມ່ນແນະນໍາໃຫ້ກຽມສິນຄ້າທີ່ຈະ ນໍາມາ Live ໃຫ້ພ້ອມ ແລະ ຂຽນເນື້ອຫາຄໍາອະທິບາຍເຖິ່ງສິ່ງທີ່ຈະເວົ້າ ເຊິ່ງການເວົ້າຕາມເນື້ອຫາແມ່ນຈະຊ່ວຍໃຫ້ບໍ່ເວົ້າຫຼົງປະເດັນໃຫ້ລູກຄ້າເກິດຄວາມສັບສົນ ແລ້ວຕັດສິນໃຈອອກຈາກການ Live. ເນື້ອຫາໃນຄໍາອະທິບາຍແມ່ນໃຫ້ຂຽນລາຍລະອຽດຂອງສີ່ງທີຈະນໍາມາສະເໜີກັບລູກຄ້າ ເຊັ່ນວ່າ: ຖ້າຈະແນະນໍາສິນຄ້າໃໝ່ກໍຕ້ອງຂຽນລາຍລະອຽດຂອງສິນຄ້ານັ້ນໃຫ້ຄົບຖ້ວນ ເລືອກໃຊ້ຄໍາເວົ້າທີ່ເຂົ້າໃຈງ່າຍ ຟັງແລ້ວເຂົ້າໃຈທັນທີ ທີ່ສໍາຄັນຖ້າຢາກເຮັດໃຫ້ Live ໜ້າສົນໃຈຂຶ້ນຢ່າລືມສ້າງເນື້ອຫາໃຫ້ມີຄວາມແປກໃໝ່.
  2. ສັນຍານອີນເຕີເນັດຕ້ອງສະຖຽນ: ລູກຄ້າສ່ວນໃຫ່ຍຈະປິດ Live ທີ່ພາບກະຕຸກ ແລະ ມີສຽງຕິດຄັດເພາະຮູ້ສຶກລໍາຄານ, ດັ່ງນັ້ນ ກ່ອນທີ່ຈະ Live ທຸກເທື່ອຕ້ອງກວດສອບສັນຍານອີນເຕີເນັດກ່ອນໂດຍສະເພາະແບຣນທີ່ຈະ Live ເປັນເວລາດົນ ຍິ່ງຕ້ອງໃຫ້ຄວາມສໍາຄັນກັບເລື່ອງນີ້ ລວມເຖິງໄລຍະເວລາທີ່ເໝາະສົມໃນການ Live ແຕ່ລະເທື່ອບໍ່ຄວນກາຍ 1 ຊົ່ວໂມງ ຖ້າກາຍນີ້ລູກຄ້າຈະເລີ່ມເບື່ອ ເພາະເນື້ອຫາໃນ Live ວົນກັບມາຫາເລື່ອງເກົ່າທີ່ພວກເຂົາຮູ້ແລ້ວ.
  3. ຖາມມາ ຕອບໄປ: ການທີ່ລູກຄ້າຖາມຄໍາຖາມສະແດງວ່າພວກເຂົາມີຄວາມສົນໃຈໃນສິນຄ້າ ດັ່ງນັ້ນ ເມືອເຫັນຄໍາຖາມຂອງລູກຄ້າສະແດງເທິງໜ້າຈໍ ເຈົ້າຂອງແບຣນຕ້ອງໄດ້ຕອບຄໍາຖາມຂອງລູກຄ້າທັນທີ ເຊິ່ງສາມາດຕອບຄໍາຖາມໄດ້ໂດຍການພີມຄໍາຕອບໃນຊ່ອງຄວາມຄິດເຫັນ ຫຼື ຕອບເປັນຄໍາເວົ້າ ແລະ ເພື່ອໃຫ້ລູກຄ້າຮູ້ສຶກໄດ້ຮັບຄວາມສົນໃຈ ຈາກເຈົ້າຂອງແບຣນຕ້ອງເວົ້າຊື່ລູກຄ້າທີ່ຖາມຄໍາຖາມເຂົ້າມາ.
  4. Live ດ້ວຍຄົນດັງ: ການ Live ດ້ວຍຄົນດັງທີ່ມີຄວາມສໍານານໃນສິນຄ້າ ແມ່ນຈະສ້າງຄວາມໜ້າເຊື່ອຖືໃຫ້ແບຣນໄດ້ຄ່ອນຂ້າງຫຼາຍ ແຕ່ຢ່າງໃດກໍຕາມ ດ້ວຍຄວາມທີ່ວ່າຍຸກນີ້ລູກຄ້າບໍ່ເຊື່ອຫຍັງງ່າຍໆ ພຽງແຕ່ການເວົ້າກ່ຽວກັບສິນຄ້າ, Live ອາດຈະບໍ່ມີພະລັງຫຼາຍພໍທີ່ຈະກະຕຸ້ນໃຫ້ລຸກຄ້າຕັດສິນໃຈຊື້ ດັ່ງນັ້ນ ໃນການ Live ຄວນລະວັງການລີວິວການໃຊ້ສິນຄ້າຈິງນໍາ
  5. ໂພສບອກຕະຫຼອດວ່າມື້ນີ້ຈະ Live: ຖ້າຢາກໃຫ້ລູກຄ້າມາເບິ່ງ Live ຫຼາຍໆ ກໍຕ້ອງໂພສບອກລ່ວງໜ້າວ່າຈະມີການ Live ໃນວັນທີ່ເທົ່າໃດ, ເວລາໃດ ແລະ ການ Live ຄັ້ງນີ້ພິເສດແບບໃດ ເຊັ່ນ: ມີໂປຣໂມຊັນຊື້ 2 ແຖມ 1 ຫຼື ໂປຣໂມຊັນສົ່ງຟຣີ ສ່ວນຊ່ວງເວລາທີ່ເໝາະສົມໃນການ Live ເຈົ້າຂອງແບຣນຄວນ Live ຊ່ວງເວລາທີ່ລູກຄ້າເຂົ້າມາໜ້າເພຈຫຼາຍທີ່ສຸດ ແລະ Live ຊ່ວງເວລານັ້ນຕະຫຼອດ ເຊັ່ນ: ຖ້າເຄີຍ Live ຊ່ວງ 14:00 ມ. ຄັ້ງຕໍ່ໄປກໍ Live ຊ່ວງເວລານີ້.

LEAVE A REPLY

Please enter your comment!
Please enter your name here