MooMoo Cha

0
396

ຕອນນີ້ບໍ່ວ່າຈະຫຼຽວໄປທາງໃດກໍ່ຄືເຫັນແຕ່ຮ້ານຂາຍນ້ຳປັ່ນ ຮ້ານຊາໄຂ່ມຸກ ເຕັມໄປໝົດເລີຍ… ໂດຍສະເພາະແຖວໃນເມືອງນີ້ ບໍ່ໃຫ້ວ່າ ຈົນບໍ່ຮູ້ຈະເລືອກກິນຮ້ານໃດດີພຸ້ນລະ!! ຈັງແມ່ນຫຼາຍຄັກ ຂະໜາດກະແສຊາໄຂ່ມຸກປອມຍັງເຮັດຫຍັງບໍ່ໄດ້ (ຮ່າຮ່າ) ສົມສາຍຍາວ່າ “ຊາໄຂ່ມຸກຂ້າບໍ່ຕາຍ!!” ສະນັ້ນເຮົາເລີຍຂໍເອົາໃຈ #ສາຍຊາໄຂ່ມຸກ ກັນເລີຍ ເຊິ່ງຫຼາຍທ່ານກໍ່ອາດຈະຄຸ້ນຫູຜ່ານຕາມາແລ້ວກັບ ແບຣນທີ່ມີຊື່ແລະໂລໂກ້ໜ້າຮັກໆວ່າ

MooMoo Cha

ທີມງານ 108 (ເຊິ່ງເປັນສາວົກຊາໄຂ່ມຸກ) ໄດ້ມີໂອກາດໂອ້ລົມສຳພາດ ອ້າຍ ລຳເງິນ ອິນທະສົມບັດ ເຈົ້າຂອງຮ້ານ ມູ່ມູ້ ຊາ ( MooMoo Cha ) ກ່ຽວກັບທີ່ໄປທີ່ມາກ່ອນຈະມາເປັນ MooMoo Cha ໃນມື້ນີ້ ເຊິ່ງອ້າຍລຳເງິນເພິ່ນກໍ່ໃຈດີ (ຫວັງວ່າອ້າຍຈະບໍ່ລຳຄານ ແຮ່ແຮ່) ເລົ່າໃຫ້ຟັງວ່າ ມູ່ມູ້ຊາ ( MooMoo Cha ) ເປັນທຸລະກິດຮ້ານຂາຍນ້ຳ ເຊິ່ງຫລັກໆແມ່ນ ຊານົມ ທີ່ມີໄຂ່ມຸກເປັນທອປປິ້ງ ເປັນຂອງຄົນລາວ 100 % ສ້າງຕັ້ງແລະບໍລິຫານໂດຍຄົນລາວ ແຕ່ວັດຖຸດິບຫລັກແມ່ນນຳເຂົ້າມາຈາກຕ່າງປະເທດ. ຮ້ານຂອງເຮົາມີເມນູນຳ້ຫລາກຫລາຍ ເຫມາະກັບທຸກໄວ ເເລະ ເປັນເຄື່ອງດື່ມທີ່ໄດ້ຮັບຄວາມນິຍົມໃນປະຈຸບັນ.

ຮ້ານນ້ຳຊາມູ່ມູ້ ເລີ່ມຕົ້ນໃນປີ 2017 ຍ້ອນຄວາມມັກຮັກໃນການດື່ມນຳ້ປະເພດຊານົມມາດົນ ເເຕ່ສະໄໝນັ້ນຢູ່ລາວຍັງບໍ່ທັນແຜ່ຫລາຍ ແຕ່ເວລາໄປຕ່າງປະເທດເຮົາກໍ່ມັກໄປຊື້ກິນຢູ່ເລື່ອຍໆ .. ຈົນຮູ້ສຶກວ່າຢາກໃຫ້ມີຮ້ານຂາຍນ້ຳທີ່ມີເມນູໃຫມ່ໆ ຫລາກຫລາຍຢູ່ລາວ ຈຶ່ງໄດ້ເລີ່ມຕົ້ນສຶກສາຄົ້ນຄວ້າຮ່ວມກັບຫມູ່ອີກຄົົນໜຶ່ງທີ່ມີຄວາມມັກຄືກັນ. ໂດຍເລີ່ມຕົ້ນແມ່ນໄດ້ໄປຮຽນເພີ່ມເຕີມທັງຢູ່ປະເທດໄທ, ປະເທດຈີນ ແລະ ໄດ້ນຳບັດຮຽນນັ້ນມາປັບປຸງສູດໃຫ້ແທດເຫມາະກັບຄົນລາວ. ຈົນໄດ້ສູດທີ່ຮູ້ສຶກວ່າແຊບລົງໂຕແລ້ວ ເຮົາຈຶ່ງເລີ່ມຕົ້ນເປີດເປັນຮ້ານນ້ອຍໆ [kios] ເປັນສາຂາທຳອິດ ຕັ້ງຢູ່ບ້ານສະພານທອງກາງ ເມືອງສີສັດຕະນາກ ນະຄອນຫລວງວຽງຈັນ. ຍ້ອນຄວາມເປັນເອກະລັກ ຄວາມໂດດເດັ່ນຂອງໂຕຮ້ານ ແລະລົດຊາດທີ່ແຕກຕ່າງ ບໍ່ດົນຮ້ານເຮົາກໍ່ມີລູກຄ້າເພີ່ມຂຶ້ນແລະເປັນທີ່ຮູ້ຈັກເປັນຈຳນວນຫລາຍ ເຮັດໃຫ້ສາມາດຂະຫຍາຍສາຂາເພີ່ມຂຶ້ນ ເຊິ່ງປະຈຸບັນມີທັງຫມົດ 6 ສາຂາ ແລ້ວ.

ທ່ານຄິດແນວໃດກັບທຸລະກິດຊາໄຂ່ມຸກໃນປັດຈຸບັັນ? ຄວາມຫຍຸ້ງຍາກໃນການດຳເນີນທຸລະກິດນີ້ໃນເບື້ອງຕົ້ນເປັນແນວໃດ? ແລ້ວຄວາມສ່ຽງແລະສິ່ງທ້າທ້າຍທີ່ທ່ານພົບມີຫຍັງແດ່?

+ ໃນປັດຈຸບັນ ທຸລະກິດຊານົມແມ່ນໄດ້ຮັບຄວາມນິຍົມຫລາຍ ສັງເກດໄດ້ຈາກການເກີດຂຶ້ນຂອງຢີ່ຫໍ້ໃຫມ່ໆ ຢູ່ລາວ ທັງຢີ່ຫໍ້ທີ່ນຳເຂົ້າມາຈາກຕ່າງປະເທດ ແລະ ຢີ່ຫໍ້ຂອງຄົນລາວເອງ ສ່ວນໂຕແມ່ນເຮົາກໍ່ບໍ່ສາມາດຢຸດນິ່ງໄດ້ ຕ້ອງພັດທະນາທັງລົດຊາດ, ເມນູໃຫມ່ໆ ແລະ ການບໍລິການຢູ່ສະເຫມີເພື່ອໃຫ້ທັນກັບຄູ່ແຂ່ງ

+ ຄວາມຫຍຸ້ງຍາກຫນ້າຈະເປັນບັນຫາຂອງການຈັດການພະນັກງານ ເພາະເຖິງຈະເປັນທຸລະກິດບໍ່ໃຫຍ່ ເເຕ່ກໍ່ມີຄວາມຊັບຊ້ອນ ໃນຂັ້ນຕອນການກະກຽມເຄື່ອງຂາຍ ແລະ ການຊົງນຳ້ ພະນັກງານກໍ່ຕ້ອງໄດ້ຮັບການຝຶກຝົນພໍສົມຄວນຈຶ່ງຈະສາມາດເຮັດວຽກໄດ້

+ ຄວາມສ່ຽງສຳຫລັບເຮົາແມ່ນເລື່ອງສະພາບອາກາດ ເພາະເປັນສິນຄ້າທີ່ ໄດ້ຮັບຄວາມນິຍົມຊ່ວງຫນ້າຮ້ອນ ເຊິ່ງພໍຜ່ານລະດູໄປ ຄວາມນິຍົມກໍ່ຈະຄ່ອຍຫລຸດລົງຕາມສະພາບອາກາດ ເຊິ່ງເຮົາກໍ່ໄດ້ໃຊ້ການສົ່ງເສີມການຕະຫລາດເຂົ້າມາຊ່ວຍ ເພື່ອກະຕຸ້ນຍອດຂາຍ

ໃນອານາຄົດເຮົາຈະໄດ້ເຫັນຜະລິດຕະພັນ ຫຼື ສິ່ງໃຫມ່ໆຫຍັງແດ່ຈາກ MooMoo Cha? (ແຜນອານາຄົດ)

ປັດຈຸບັນເຮົາມຸ່ງເນັ້ນເຮັດໃຫ້ທຸລະກິດນີ້ ກາຍເປັນທຸລະກິດທີ່ຫມັ້ນຄົງ ສ້າງຖານລູກຄ້າໃຫ້ຫນຽວແຫນ້ນ ແລະ ຮັກສາຄຸນນະພາບຂອງສິນຄ້າແລະບໍລິການ. ສ່ວນໃນອານາຄົດແມ່ນຈະມີ ຜະລິດຕະພັນໃໝ່ໆ ທີ່ເປັນຂອງບໍລິໂພກ ອອກມາເພີ່ມເຕີມແນ່ນອນ ແຕ່ຕອນນີ້ຍັງບອກບໍ່ໄດ້ເທື່ອ ຕ້ອງລໍຖ້າຕິດຕາມ

ຫາກມີຄົນສົນໃຈຢາກຮ່ວມທຸລະກິດກັບທ່ານສາມາດເປັນໄປໄດ້ບໍ່? ຫຼື ໃນປະຈຸບັນນີ້ທ່ານມີຊ່ອງທ່ານຊື້ຂາຍແຟນຊາຍແລ້ວບໍ່? ຕອນນີ້ ເຮົາຍັງບໍລິຫານເອງ ເປັນທຸລະກິດແບບຄອບຄົວ ຍັງບໍ່ມີການຂາຍແຟນຊາຍເທື່ອ ແຕ່ໃນອານາຄົດ ຈະມີການຂາຍແຟນຊາຍຢ່າງແນ່ນອນ

ເຮົາສາມາດຕິດຕາມ MooMoo ໄດ້ຜ່ານຊ່ອງທາງໃດແດ່?

ສາມາດ ຕິດຕໍ່ ຮັບຂໍ້ມູນຂ່າວສານ ໃຫ້ຄຳຕິຊົມ ຫລື ສະເຫນີແນວທາງການປັບປຸງໃຫ້ເຮົາຜ່ານ

Facebook :https://www.facebook.com/moomoochalao/

Tel&whatsapp : 7774 9277

LEAVE A REPLY

Please enter your comment!
Please enter your name here